Qazaqstannyń ortalyq arhıvi Iosıf Stalınge qysqa hat jazyp, últımatým qoıýǵa batyly jetken erjúrek qazaq qyzy Halıda Mamanovanyń ómir tarıhyn jarıalady dep jazady Qamshy.kz aqparat agenttigi sputniknews.kz saıtynyń deregin negizge alyp. 

Baı tuqymynan shyqqandyqtan oǵan shenniń ornyna qabir qazýǵa kúrek berip, tipti, halyq jaýy dep jarıalap jibere jazdaǵan. Degenmen boıjetken generalısımýstyń buıryǵymen maıdanǵa attanyp, búkil soǵysty bastan keship, ofıserlik pogonǵa qol jetkizgenshe tynbaǵan.

Halıda Mamanova 1918 jyly Almaty oblysynda týǵan. Ol soǵys jyldarynda shtrafrotada qyzmet etken jalǵyz qazaq áıeli.

Medısınalyq qyzmettiń kapıtany sheninde Berlınge deıin barǵan.

Soǵystan keıin medısına ǵylymdarynyń doktory degen ǵylymı ataq aldy. Uzaq ýaqyt Aqtóbe medısına ınstıtýtynda kafedra megerýshisi boldy. Onkologıalyq aýrýlardy emdeý problemasymen aınalysty. 1977 jyldyń 15 tamyzynda Bolgarıaǵa issapary kezinde kóz jumdy.     

Búginde Almaty arhıvinde 200 myń biregeı qujat saqtaýly tur. Olardyń arasynda sırek kezdesetin fotosýretter, fılmder, maıdangerlerdiń qupıa qujattary men hattary bar. Arhıv ǵımaratyna kez kelgen adam kire almaıdy. Tipti mekemeniń barlyq qyzmetkeri birdeı eski papkalar jáne qaǵazdarǵa qol jetkize almaıtyn kórinedi.

Usynǵan: Ásel Bolatqyzy