Kólemi Nú-Iork qalasynan úlken alyp aısberg jaqyn arada Brant muzdyǵynan bólingeli tur. Muztaýda ornalasqan zertteý stansıasy zalalsyzdandyrylyp, ózge aımaqqa kóshti. Óıtkeni, qaýip deńgeıi eń joǵary dárejege jetken.

Brant muztaýynan bólinetin aısbergtiń jalpy kólemi 1500 sharshy metrdi qurasa, qalyńdyǵy 150-200 metrden turady.

35 jyldan beri qaıtalanbaǵan Brant muztaýyndaǵy jarylysty baıqaǵan ǵalymdar bul aımaqty 2012 jyldan beri úzdiksiz baqylaýǵa alǵan-dy. Muztaý arasyndaǵy syzat ýaqyt ótken saıyn ulǵaıa berdi, al 2016 jyly ekinshisi paıda bolǵan. Ekinshi syzat birinshi jarylysqa perpendıkýlár baǵytta kele jatyr. Ǵalymdardyń boljaýynsha, qos syzat aldaǵy eki aı kóleminde jolyǵady. Al qos jaryqshaq jolyqsa, muztaýdyń joǵaryda kórsetilgen kólemdi aımaǵy bólinip, aısbergke aınalady.

Brant muztaýynda ornalasqan "Hallı" zertteý stansıasy 23 shaqyrymǵa deıin ishkerilep baryp ornalasqan.

Zertteýshi mamandardyń málimetine súıensek, muztaýlardyń aıyrylýy dúnıejúzilik jylý úderisiniń yqpalynan emes. Bul – dáýir óte kele ózdiginen oryn alatyn tabıǵı qubylys.