Reseı Belarýste 10 kúndik áskerı jattyǵýlardy bastaıdy. Keıbir sarapshylar muny "Máskeýdiń Ýkraına men Batysqa soǵys yqtımaldyǵyn bildirý úshin jasaǵan kúsh kórsetýi" ekenin aıtady.
Reseılik kúshter men tehnıka Belarýske qańtardyń ortasynda kele bastady, shamamen 30 000 ásker "Odaqtastardyń sheshimi" dep atalatyn jattyǵýlarǵa qatysady dep kútilýde.
NATO muny qyrǵı-qabaq soǵystan bergi "áskerılerdi Belarýs eline eń iri ornalastyrý" dep atady.
Oqý-jattyǵýlardyń "belsendi kezeńi" beısenbide bastalady.
"Odaqtastardyń sheshimi" kezinde NATO-nyń shabýylyn ımıtasıalaý úshin áýe kúshteri men qurlyq áskerleriniń keń aýqymdy manevrleri bolady dep boljanýda.
AQSH pen NATO "bul jattyǵýlar naqty shabýylǵa nemese Belarýs shekarasynan ońtústikke qaraı 150 shaqyrym jerde ornalasqan Kıevti basyp alýǵa daıyndyq" dep eskertti; 2014 jyly Qyrym aneksıalanar aldynda da Reseıdiń áskerı jattyǵýlary ótken.
Ál-Jazıra telearnasyna suhbat bergen sarapshylar jattyǵýlar kezinde tolyq aýqymdy basyp kirý nemese shabýyl jasaý ekitalaı ekenin aıtty, biraq shıelenis kezinde eki jaqtyń qate qadamy áskerı áreketke soqtyrýy múmkin ekenin joqqa shyǵarmady.
"Áskerı daıyndyq Polsha men Lıtvaǵa jáne Ýkraınanyń soltústigine qaýip tóndirýge baǵyttalǵan. Reseı Kıevti basyp alýy múmkin operasıany júrgizýge qaýqarly" dedi burynǵy ýkraın dıplomaty jáne qorǵanys strategıalary ortalyǵynyń qaýipsizdik saıasaty boıynsha sarapshysy Aleksandr Hara.
"Maxar Technologies" kompanıasy jasandyserikten túsirgen sýretter 4 aqpanda Ýkraına shekarasynan shamamen 50 km qashyqtyqta orys áskerı tehnıkasy, zymyrandar, zymyran tasyǵyshtar jáne shabýyldaýshy ushaqtar bar ekenin kórsetti.
Seısenbi kúni Ýkraına túrik qurastyrǵan Baıraktar dronyn, sondaı-aq Ulybrıtanıadan jaqynda alynǵan tankige qarsy qarý-jaraqtardy synaý úshin eldiń túkpir-túkpirinde óz jattyǵýlaryn ótkizetinin habarlady.
Máskeý aldaǵy aptalarda ońtústik aımaqtarynda aýqymdy tank jattyǵýlaryn ótkizý josparyn jarıalady.
Reseı Moldovanyń Máskeýshil separatıstik Prıdnestrove sıaqty aımaqtarda shaǵyn áskerı jattyǵýlar ótkizip úlgerdi.
Kremldiń baspasóz hatshysy seısenbide Reseı oqý-jattyǵýlar aıaqtalǵannan keıin Belarýsten áskerin shyǵarýdy josparlap otyrǵanyn aıtty.
Alaıda, Beıjiń qysqy olımpıadasy bitetin 20 aqpan áskerı shıelenistiń yqtımal kúni dep boljanýda.
"Meniń oıymsha, Reseı soǵys áleýeti bar ekenin anyq bildirgisi keledi. Máskeý (soǵys) qandaı bolýy múmkin ekenine daıyndalady" dedi "Newlines" ınstıtýtynyń geosaıası sarapshysy jáne burynǵy Eýrazıa sarapshysy Evgenıı Chaýsovskıı.
Daǵdarysqa AQSH pen Ulybrıtanıadan góri toleranttylyq tanytqan Fransıa prezıdenti Emmanýel Makron osy aptada Máskeý men Kıevke barǵan. Ol shıelenisti azaıtýǵa tyrysyp jatyr.
Reseı prezıdenti Pýtın jáne Ýkraına prezıdenti Vladımır Zelenskıımen kezdeskennen keıin Makron "kelissózderdi ári qaraı jalǵastyrý múmkin" dep sanaıtynyn aıtty.
Ýkraına daǵdarysyna baılanysty batys elderi men Reseı arasyndaǵy shıelenis qalaı órbip jatyr:
- "Reseı Ýkraınaǵa basyp kirý úshin syltaý daıyndap jatyr" dep habarlady Ál-Jazıra telearnasy.
- "Reseı Ýkraınaǵa basyp kirýi múmkin" degen qaýip kúsheıgen kezde AQSH-tyń Memlekettik hatshysy Entonı Blınken Eýropaǵa bardy.
- "Barlyq nusqa tys qalmaıdy. Dıplomatıalyq nusqa da". AQSH memhatshysy Eýropaǵa nege bara jatyr?
- Djo Baıden Reseı Ýkraınaǵa shabýyl jasasa, Máskeýdi "apat" kútip turǵanyn eskertti.
- AQSH barlaý agentteri Reseı Ýkraınaǵa qashan shabýyldaýy múmkin ekenin jarıalady.
- Reseı soǵys ushaqtary Kıevke jaqyn Belarýs eline jınaldy.
- Aǵylshyn saıasatkeri Reseı Ýkraınaǵa basyp kiretini sózsiz ekenin jáne shabýyl jaqyn arada bolatynyn málimdedi.
- AQSH, Ulybrıtanıa Ýkraınaǵa qarý-jaraq jiberip jatyr.
- Danıa, Ispanıa, Fransıa jáne Nıderlandy Shyǵys Eýropaǵa joıǵysh ushaqtar men áskerı kemeler jiberýde.
- Reseı yqtımal shabýyl týraly aqparattardy joqqa shyǵardy.
- Germanıa qazirge Ýkraınaǵa qarý-jaraq bermeıtinin aıtty biraq medısınalyq kómek kórsetetinin jarıalady.
- Eki jaq (Batys-Reseı) soǵysqa daıyndyqpen qosa, dıplomatıalyq kelisimge kelýge tyrysýda.
- Fransıa men Germanıa Reseıdi dıalogqa shaqyrdy.
- Reseı, Ýkraına, Germanıa jáne Fransıa dıplomattary kelissóz júrgizdi.
- Batys elderi Ýkraınaǵa shabýyl jasalsa, zardaby aýyr bolatynyn málimdedi.
- AQSH óz azamattaryn Ýkraınadan shyǵyp ketýge shaqyrdy.
- "Biz qalaı bolsa da daıynbyz". NATO Reseıdiń talabyn toıtardy.
- Baıden: Bul – ekinshi dúnıejúzilik soǵystan keıingi eń iri shabýyl bolýy múmkin.
- Baıden Reseıdiń Ýkraınaǵa qashan shabýyl jasaıtynyn aıtty.
-
Vashıngton Reseı qubyryn jaýyp, BUU qaýipsizdik keńesiniń otyrysyn ótkizetinin jarıalady.
- BUU qaýipsizdik keńesiniń otyrysy barysynda Reseı men AQSH ókilderi sózge kelip qaldy.
- Reseı ókili Kıevtiń "óz túbine ózi jetetinin" aıtty.
- Vashıngton men Máskeý arasyndaǵy kelissózder shıelenisti báseńdete almady.
- AQSH Eýropaǵa kóbirek ásker jiberetinin jarıalady.
- Reseı Vashıngtonnyń Eýropaǵa kóbirek ásker jiberý sheshimin aıyptady.
- AQSH: Reseı Ýkraınaǵa basyp kirýge 70% daıyn. Kıev birneshe kúnde qıraıdy.
-
Fransıa prezıdenti: Reseımen soǵyssyz kelisimge kele alamyz.
- AQSH pen Germanıa Reseıdi qalaı "jazalaýǵa" kelisti.
-
Ulybrıtanıa sanksıalardy qoldaıtynyn bildirdi.
-
Seısenbide Ulybrıtanıa premer-mınıstri Borıs Djonson The Times gazetinde Ulybrıtanıanyń aımaqqa Koróldik áýe kúshteriniń joıǵyshtary men Koróldik teńiz flotynyń áskerı kemelerin ornalastyrý múmkindigin qarastyryp jatqanyn aıtty.
-
Eýropa: Eń qaýipti sátte turmyz
- Makron shıelenisti báseńdetýge kepildik bar ekenin málimdedi.
- NATO: Bul Reseıdiń Kıevti basyp alýǵa daıyndyǵy
Pikir qaldyrý