Qazaqstanda taǵy eki atom elektr stansıasy salynatyn jerdi anyqtaý jumystary bastaldy. Bul týraly úkimet basshysy Oljas Bektenov "İlgerileýge bastaǵan alty jyl: Qazaqstan ornyqty damý jolynda" maqalasynda jazdy.
2019 jyldan beri elektr energıasyn tutyný 14%-ǵa ósip, shamamen 120 mıllıard kVt/saǵatqa jetti. Al halyq sanynyń ósýin, sondaı-aq júrgizilip jatqan ındýstrıalyq damý jáne sıfrlandyrý saıasatyn eskere otyryp, energıa tutyný odan ári arta túsedi dep boljanyp otyr.
"Osyǵan oraı Prezıdent tapsyrmasy boıynsha ıadrolyq energetıkany damytý qolǵa alyndy. Birinshi AES qurylysynyń aýdany anyqtaldy. Taǵy eki stansıa salý úshin qurylys oryndaryn anyqtaý jumystary bastaldy", - deıdi Bektenov.
Aıta keteri, buǵan deıin ulttyq quryltaıdyń kezekti otyrysynda Toqaev úsh AES salý bastamasyn qoldaıtynyn málimdedi.
Pikir qaldyrý