قادامىنان جانىپ كۇن،
قالامىنان تامىپ مۇڭ
قاعاناق جارعان ءساتى بۇل
اقپاندا تۋعان الىپتىڭ
ساپ تازا التىن ساۋلەتى،
بولماسا دا ارتىق داۋلەتى
شاتتىققا شومعان كۇن بۇگىن
ماقاتايەۆ اۋلەتى
قاس پەنەن كوزدىڭ اراسى،
سىلكىنىپ قازاق دالاسى
ولەڭگە اينالعان تولعاعىن
سەزدى مە ەكەن اناسى؟
اقيىعىسىڭ اسپاننىڭ
ۇشىندا تۇلەگەن اسقاردىڭ.
اق بۇرقاق اتقان جىرلارىڭ
قاسيەتى شىعار اقپاننىڭ،
تابيعاتى دا وزگەشە،
اقىن دا اقپان ەندەشە!
ومىرگە كەلگەن ەكەنبىز
سەن بۇگىن، مۇقا مەن كەشە!
سىلتەسەم قولىم جەتەردەي
مۇقاڭدار تۋعان كوكەم عوي
كۇنىمىز جالقى بولعانمەن
ايىمىز ەگىز ەكەن عوي
عۇمىرىمدى جاۋلاپ وت بەينە،
ويلانام شىعىپ بەتكەيگە.
تۋىلسام اقپان توعىزى
سىزدەي بولار ما ەدىم دەپ .
ءبىر اي، ءبىر كۇن بولە بوپ
ومىرگە كەلسەك بولەك ەد
جازعىرام كەيدە ءوزىمدى
جاتا تۇرماعام نەگە دەپ.
ساڭقىلىن ەستىپ قىراننىڭ
ءدۇبىرىن اڭساپ قۇلاننىڭ
ماقاتايەۆتى كورۋگە
اسىعىپ كەتكەن شىعارمىن!
بارىڭدا باسىڭ تورلەمەي،
جالعانعا جانىڭ بولدى وگەي
تاۋلىكتەر ءبولىپ جاتقانمەن
ءوزىمىزدى ءومىر بولمەگەي!
تانىمالى ايتىسكەر اقىن قاليحان قابدىراسول ۇلى
2016-جىل اقپاننىڭ 9-جۋلدىزى .
- الماتى تاڭى
پىكىر قالدىرۋ