تاياۋدا ەلىمىزدەگى ءبىر سايتتان جەزوكشەلىكتى زاڭداستىرۋعا قاتىستى ءبىر اقپاراتتى كوزىم شالدى. وسىدان بىرنەشە جىل بۇرىن ءوزىن زيالى سانايتىن ءبىر زياندى كىسى دە ماعان ءدال وسى ۇسىنىستى ايتقان بولاتىن. "قوعامدا بۇل ءىس قالاي بولعاندا دا جۇزەگە اسىپ جاتىر. سەندەر حارام دەگەنمەن ول توقتاپ قالمايدى. ىستەيتىن ادام ايتەۋىر ءبىر امالىن تاۋىپ، ءبارىبىر جاسايتىنىن جاسايدى. ەندەشە، ونى زاڭداستىرۋ قاجەت. ەسەسىنە قازىنامىزعا سالىق تولەنەدى. قىزدار مەديسينالىق باقىلاۋدا بولعاندىقتان، اۋرۋ تارامايدى" - دەگەن ءۋاجىن كەلتىردى، قازىنانىڭ قامىن ويلاپ، حالقىمىزدىڭ دەنىنىڭ ساۋ بولعانىن تىلەگەن ادام بولىپ.

مەن وعان: "بىرىنشىدەن، زاڭداستىرۋ دەگەنىمىز ول - حارام قىلىقتى اقتاپ الۋ دەگەن ءسوز. اللانىڭ حارام ەتكەن نارسەسىن ەشكىم ادالداي المايدى. ەكىنشىدەن، زاڭداستىرۋ كىسىنىڭ جۇرەگىنەن كۇناعا دەگەن جەككورىنىشتى جويىپ جىبەرەدى. جامان قىلىق قاي كەزدە دە جەككورىنىشتى بولىپ، سولاي قالۋى كەرەك. زاڭداستىرعان جاعدايدا، جەزوكشەلەر كۇنا جاساپ جاتىرمىن دەپ ەمەس، كەرىسىنشە، وزدەرىن بەلگىلى ءبىر ماماندىق يەسى سەزىنىپ، قوعامعا پايدام ءتيىپ، قازىناعا اقشا قۇيىلىپ جاتىر دەگەن ويدا بولادى. ال وندا باراتىن ەركەكتەر دە كۇنا ىستەۋگە ەمەس، اقشاسىن كاسساعا تولەپ، تولەندى دەگەن تۇبىرتەگىن قولىنا الىپ، بەينەبىر بيلەت الىپ، كينوعا كىرگەندەي كۇيدە بولادى. حارام قىلىق مادەنيەتتى ىسكە اينالادى. كىسىنىڭ جۇرەگىنەن ۇيات سەزىمى جوعالادى. حارامعا كۇنا ىستەپ جاتىرمىن دەگەن پسيحولوگيامەن ەمەس، قۇددى ساۋاپتى ءىس تىندىرىپ جاتقانداي كۇيدە بارادى.

اللا ەلشىسىسى (س.ا.ۋ.) ءبىر حاديسىندە: "تىيىلعان ءىستى كورسەڭدەر، ونى قولدارىڭمەن تۇزەتىڭدەر، ال ەگەر وعان شامالارىڭ جەتپەسە، تىلدەرىڭمەن تۇزەتىڭدەر. ال ەگەر وعان دا شامالارىڭ كەلمەسە، وندا ەڭ بولماسا، جۇرەكتەرىڭمەن سول ءىستى جەك كورىڭدەر. جەك كورۋدىڭ ءوزى يماننىڭ ەڭ ءالسىزى" - دەگەن. نەگە يماننىڭ ەڭ ءالسىزى؟ سەبەبى قاندايدا ءبىر تىيىم سالىنعان ءىستى جەك كورمەۋ ونى قۇپتاۋ، قولداۋ دەگەندى بىلدىرەدى. اللانىڭ حارام ەتكەن نارسەسىن قۇپتاۋ كىسىنى يماننان جۇرداي ەتەدى. ياعني، ەڭ بولماسا حارامعا ارام كوزىمەن قاراي الماعان كىسىنىڭ ءالسىز دە بولسا، يمانى جوق دەگەن ءسوز. 

ۇشىنشىدەن، قازىناعا تۇسكەن ارام اقشانىڭ حالىققا قاجەتى قانشا؟ مۇسىلمان حالىقتىڭ اۋزىنا حارام اس، ارام يگىلىكتىڭ زاردابىن ويلادىق پا؟ مەكتەپتەگى بالاڭا بەرىلەتىن استىڭ ءبىر پاراسى سول حارام اقشادان قۇيىلاتىن ارام اس بولماي ما؟ قازىنامىزدى سولاي اراممەن تولىقتىرۋعا ءزارۋمىز بە؟ تورتىنشىدەن، "مەديسينالىق باقىلاۋ بولعاندىقتان، اۋرۋ تارامايدى" - دەپ كۇناھارلارعا جانىمىز اشىماي-اق قويسىن! ول اللانىڭ كۇناھارلارعا جازعان مىنا دۇنيەدەگى جازاسى بولماق!" - دەپ جاۋاپ بەردىم. ول ءۇلسىز ويعا باتتى. قۇپتادى ما، جوق الدە جاۋابىما قارسى جاۋاپ ىزدەدى مە، ول جاعى ءبىر اللاعا ايان.

دەرەككوز: islam.kz