قازاقسىڭ با؟
يا، وندا نەگە قازاقشانى بىلمەيسىڭ؟
تاڭ اتتىما؟
يا،
وندا نەگە
ءوز ەلىڭدە جۇرمەيسىڭ؟
مازاقسىڭبا؟
يا،
بولدى ەندى سەن
قازاقتارعا سىڭبەيسىڭ.
نەگە؟
دۇبارا ۇرپاق سول قازاقتى
تۇسىنبەيسىڭ بىلمەيسىڭ.
نە كىنام بار؟
اعا مەن ءسابيمىن عوي، بىلمەيتىن!
اتا-انام عوي سول قازاقتى
كوزدەرىنە ىلمەيتىن.
اش قالامىز ەگەر كەتسەك
مىناۋ بايلىق تىرلىكتەن،
كاپىر بولىپ كەتسەڭداعى
وسى ارادا جۇر دەيتىن.
ە، بەيشارا وندا سەنىڭ
اكە شەشەڭ نادان با؟
جوق اعاتاي، سانالى ولار
ىلەسىپ ءجۇر قوعامعا.
جوق باۋىرىم، ۇلتتىق سانا
ويانباعان ناداندا،
ۇلت دەگەن نە؟
زات پا الدە ادام با؟
وي، باۋىرىم، ادامداردى
ۇلتقا ءبولىپ جاراتقان.
ءبىزدى قازاق مۇسىلمان دەپ
جەتى اتاعا تاراتقان.
كورسەڭشى سەن تاريحىڭدى
جازىپ كەتكەن پاراقتان،
اكەڭ مەنەن شەشەڭە ايت
ايىرماسىن قازاقتان!
اعا سوندا قازاق قايدا
جۇرگەن جوق پا قاسىمدا؟
ءبارى مەندەي ءبولماپ پا ەدى
التى جەتى جاسىندا.
نەمەنەگە الاڭدايىن
ۇيدە بار عوي باسىم دا؟
بىرەۋلەردىڭ جۇرگەن جوقپىن
قالعان قۇتقان اسىندا.
ە، باۋىرىم، ساناڭ سولاي
ۋلاندى عوي سۇرەنسىز،
ايتپاسا ەگەر اكە-شەشەڭ
راس قايدان بىلەرسىز.
قازاق بولساڭ ۇلتىن سۇيگەن
كوك تۋ ۇستاپ جۇرەرسىز،
قىزىل تۋعا تابىندىرعان
اتا اناڭ عوي جىگەرسىز.
بەل استىندا ءوز ەلىڭ بار
قازاعىڭ بار جايلاعان،
ۇلتى، ءدىنى ەركىندىكتە
انا تىلدە سايراعان.
كوك تۋى بار كوتەرەتىن
نۇرسۇلتانداي حانى بار،
اتتىڭ باسىن سولاي بۇرار
ۇرپاق قامىن ويلاعان.
بايلىق، ءمانساپ، قۋ دۇنيە
ءبارى داعى بوقشىلىق،
ۇلتتى ۇمىتۋ، تىلدەن ازۋ،
ءدىن جوعالتۋ جوقشىلىق.
جەتكىزبەيدى سايران ءومىر
قارىن تويعان توقشىلىق،
قويماڭىزدار ۇرپاعىڭدى
ءومىر بويى جوقشى عىپ.
توكەن توقتاسىن ۇلى
قازاقستان تالدىقورعان
پىكىر قالدىرۋ