قازاق ەستراداسىنداعى تانىمال انشىلەر قايرات نۇرتاس پەن تورەعالي تورەالىنىڭ جانكۇيەرلەرى ءبىر سىنالعالى تۇر. ەكى ءانشىنىڭ قايسىسى مىقتى ەكەنى ينتەرنەت ارقىلى داۋىس بەرۋ جولىمەن انىقتالادى، - دەپ حابارلايدى «قامشى» پورتالى NUR.KZ- كە سىلتەمە جاساپ.
NUR.KZ سايتى ەكى ءانشىنىڭ ەل ىشىندەگى بەدەلىن «وليمپ شىڭىن كىم باعىندىرادى؟» جوباسى ارقىلى سىناپ كورمەك. جوبانىڭ العاشقى بايقاۋىنا وسى ەكى ءانشىنىڭ تاڭداپ الىنۋى دا تەگىن ەمەس.
«وزدەرىنىڭ العاشقى «باتلدارىن» تورەعالي تورەالى مەن قايرات نۇرتاس باستايدى. ول ەكەۋى دە تانىمال، ەكەۋىنىڭ دە اتا-اناسى – پروديۋسەر، ەكەۋىنىڭ دە ارتىندا قىرۋار قولداۋشىلارى بار»، - دەپ جازادى پورتال.
ءقازىر سايتتا ەكى ءانشىنىڭ قايسىسىنىڭ داۋىسى مىقتى ەكەنىن انىقتاۋ ءۇشىن داۋىس بەرۋ ءجۇرىپ جاتىر.
العاشقى كۇننىڭ ناتيجەلەرى تورەعاليدىڭ جانكۇيەرلەرىن قۋانتىپ وتىر.
