قازاقستان باس پروكۋراتۋراسىنىڭ مالىمەتتەرى بويىنشا، جالپى العاندا 200-دەن استام قازاقستاندىق يسلام مەملەكەتى جاۋىنگەرلەرى (دايش) جاعىندا سوعىسىپ جاتىر. بۇل تۋرالى ەلىمىزدىڭ ۇلتتىق قاۋىپسىزدىك كوميتەتى مالىمدەپ وتىر، - دەپ حابارلايدى "قامشى" پورتالى.

«قازاقستان ازاماتتارىنىڭ حالىقارالىق لاڭكەستىك ۇيىمداردىڭ جاعىندا ۇرىس قيمىلدارىنا وتباسى مۇشەلەرىمەن  قاتىسىپ جاتقان  200-دەن استام ادام سانى بەلگىلى» دەپ جاۋاپ بەرگەن ۇقك informburo.kz ساۋالىنا.

سونىمەن قاتار، كوميتەت 2016 جىلدىڭ ناۋرىز ايىندا ەلدىڭ جوعارعى باسشىلىعىنا قوقان-لوققى كورسەتىپ، قازاقستاندىقتارعا ۆيدەوجولداۋ جاساعان ادامداردىڭ جەكە باسىنا قاتىستى مالىمەتتەردى انىقتاۋ مۇمكىن ەكەندىگىن حابارلاعان.

«2016 جىلدىڭ ناۋرىز ايىندا ينتەرنەتتە بەينەروليك تاراعانىن حابارلاعان بولاتىنبىز. روليكتەگى ءبىرىنشى ەر ادام ق ر ازاماتى ماۋلەنوۆ مارات امانگەلدى ۇلى 1971 جىلى وڭتۇستىك قازاقستان وبلىسىندا تۋعان. سودىرلار  لاگەرىنە 2015 جىلدىڭ تامىزىندا جۇبايى مەن 6 بالاسىن الىپ كەتكەن. ەكىنشىسى 1981 جىلى تۋعان رەسەي ازاماتى جۇمابەكوۆ رينات قادىرجان ۇلى. ول دا دايش مۇشەسى بولىپ تابىلادى» ، - دەپ حابارلايدى ۇقك.

سونداي-اق ۆيدەودا كورىنگەن ەكى ازاماتتىڭ جەكە باسى انىقتالعان. ولار ماۋلەنوۆتىڭ ۇلدارى نۇرداۋلەت امانگەلدى (1993 جىلى تۋعان) جانە ءالي امانگەلدى (2010 جىلى تۋعان)

«جوعارىداعى قىلمىستىق ءىستى تەرگەۋدە قازاقستان ازاماتتارىنا حالىقارالىق قولدانىستاعى زاڭناماعا سايكەس ءىس قوزعالدى. جاريالانعان ءتىزىم بويىنشا قازاقتان ازاماتتارىن ەلگە قايتارۋ ماسەلەسى قارالاتىن بولادى»، - دەلىنگەن ۇقك مالىمدەمەسىندە.

ەستەرىڭىزگە سالساق، بۇعان دەيىن وڭتۇستىك قازاقستان وبلىسى، قازىعۇرت اۋدانىنان ءبۇتىن ءبىر وتباسىنىڭ سيرياعا اتتانىپ كەتكەنىن جازعان بولاتىنبىز.