«كىمدە-كىم ءبىر باۋىرىن ىستەگەن كۇناسىنا بايلانىستى كىنالاسا، سول كۇنانى ءوزى ىستەمەي ولمەيدى»،- دەيدى (تيرميزي «قيامەت»، 53/2505).
ادامدار اقيرەت كۇنى بارشا امالدارىنا، اۋزىنان شىققان ءاربىر سوزىنە، ىستەگەن كۇناسى مەن ىستەمەگەن ىزگى امالدارىنىڭ ەسەبىن بەرەدى. وسى اۋىر ازاپ كۇنى كەلمەي تۇرىپ، اركىم ىستەگەندەرىن ەسەپتەپ-تارازىلاۋى كەرەك. ويتكەنى: «ەسەپكە تارتىلماي تۇرىپ، وزدەرىڭدى ەسەپكە تارتىڭدار» (تيرميزي «قيامەت»، 25/2459)،- دەگەن. سول ءبىر ماشاقاتى مەن قايعىسى مول كۇندى ەسكە الا وتىرىپ، امال داپتەرىمىزدىڭ بەتتەرىن ادامداردان كەشىرىم سۇراپ، تازالاپ العانىمىز ءجون. اللا تاعالاعا ادامداردىڭ بارلىعىنىڭ ءبىر تىلدە سويلەيتىن سول كۇننىڭ جاعدايىن بىلايشا تۇسىندىرەدى:
«ادامدار ۇرەيلى قيامەت كۇنىندە وزدەرىنە اسا قاجەت بولسا دا، ساۋاپتارىن جالعان دۇنيەدە ارتىنان وسەك ايتقان ادامدارعا بەرەدى. ەگەر، وعان بەرەتىن ساۋابى قالماسا، سول ادامنىڭ كۇنالارىن موينىنا الادى».
اللا ەلشىسى (وعان اللانىڭ يگىلىگى مەن سالەمى بولسىن)ءوز حاديسىندە:
-- ءمۇفليستىڭ كىم ەكەنىن بىلەسىڭدەر مە؟، - دەپ سۇرادى ءبىر كۇنى ساحابالارىنان. ولار:
- ءمۇفليس اقشاسى، مال-مۇلكى جوق ادام عوي، - دەپ جاۋاپ بەرگەندە پايعامبارىمىز (وعان اللانىڭ يگىلىگى مەن سالەمى بولسىن):
- ول قيامەت كۇنى ناماز، ورازا جانە زەكەت ساۋاپتارىمەن قاتار، امال داپتەرىندە انانى مازاقتادى، مىناعان جالا جاپتى، بىرەۋدىڭ مال-مۇلكىن جەپ، ەكىنشىسىن ۇرىپ-سوقتى دەپ جازىلىپ، وزگەلەردىڭ كۇنالارىن ارقالاپ كەلگەن ادام. ونىڭ ىستەگەن جاقسىلىقتارىنىڭ ساۋابىنان اناعان مىناعان وتەلەدى. ەگەر موينىنداعى قارىزدار بىتپەي تۇرىپ، عيباداتتارى مەن ىستەگەن جاقسىلىقتارىنىڭ ساۋابى تاۋسىلسا، ولاردىڭ كۇنالارىنان الادى، توزاققا تاستالادى»،- دەپ جاۋاپ بەردى.
وسىعان وراي حازرەتى حاسان باسري بىلاي دەگەن:
«ەگەر وسەك ايتقىڭ كەلىپ قينالىپ بارا جاتساڭ، اتا-اناڭدى وسەكتە!.. ەڭ بولماعاندا اقيرەتتە ساۋابىڭ ولارعا بەرىلسىن. نەمەسە ولاردىڭ كۇناسىن الاسىڭ!..».
«مىنا دۇنيەنىڭ وسەگى توزاڭ سياقتى. جان دۇنيەڭنىڭ ايناسىن جاۋىپ قالادى. سەن اقىل-ەسىڭدى جينا دا، ۇندەمەي ءجۇرۋدى ادەتكە اينالدىر»،- دەيدى عۇلاما ءماۋلانا.
اللانىڭ مەيىرىمىنە بولەنىپ، ەرەكشە قۋانىشقا كەنەلگىسى كەلەتىندەردىڭ ەرەكشەلىگى وزدەرىنە قارسى ىستەلگەن نەشە ءتۇرلى قاستاندىقتارعا كەشىرىممەن قاراۋىندا. ويتكەنى، كەشىرىم بەرۋ ارقىلى ءوزىمىزدىڭ كەشىرىلۋىمىزگە جول اشامىز.
ۋا، راببىم! كوڭىلىمىز بەن ءتىلىمىز اللانىڭ حيكمەتى مەن سىرلارىنىڭ ايناسى بولسىن. ول جەردەن بارشا جاراتىلىس اتاۋلىعا مەيىرىم-شاپاعات، كەشىرىم، يگىلىك پەن جاقسىلىق جايىلسىن!..
ءبىزدى دۇنيەنىڭ نىعمەتىنەن قۇرالاقان قالىپ، اقيرەتتە جارلىنىڭ كۇيىن كەشەتىن قۇلدارىنىڭ قاتارىنا قوسىلۋدان ساقتاي گور!
ءامين...
دەرەككوز: mazhab.kz
