ماقپال ءجۇنىسوۆانىڭ شاڭىراق كوتەرگەنىنە بيىل ون التى جىل تولعان. ارادا ۇزاق ۋاقىت وتسە دە، زامانبەك ءنۇرقادىلوۆتىڭ ءبىرىنشى وتباسى وعان كۇن كورسەتپەي جۇرگەن كورىنەدى، - دەپ حابارلايدى Qamshy.kz.

بۇل تۋرالى ءانشىنىڭ ءوزى 31 ارنانىڭ “ايتا بەرسىن” باعدارلاماسىندا ايتىپ بەردى، – دەپ جازادى stan.kz.

بەلگىلى ساياساتكەر زامانبەك ءنۇرقادىلوۆتىڭ قايتىس بولعان كۇنى ءالى دە ەل ەسىندە. ول ءوزىنىڭ ۇيىندە اتىپ ولتىرىلگەن بولاتىن. ماقپال ءجۇنىسوۆا قانشا قايعىلى وقيعامەن بايلانىستى بولسا دا، ءوزى تۇرىپ جاتقان ءۇيىن ساتقىسى كەلمەيتىنىن ايتادى. سەبەبى، مارقۇم ءنۇرقادىلوۆ قىزى مەرەيدى وسى ۇيدەن ۇزاتقىسى كەلگەن ەكەن.

مۇنىمەن قاتار، ءجۇنىسوۆا مارقۇم جولداسىنىڭ وتباسى وسى كۇنگە دەيىن كۇن كورسەتپەي كەلە جاتقانىن ايتتى. ول ءبىر كەزدەرى ءنۇرقادىلوۆتىڭ ءبىرىنشى شاڭىراعىن شايقالتپاۋ ءۇشىن ءوز باقىتىنان باس تارتپاق بولعان. الايدا ءنۇرقادىلوۆ مىرزا عاشىق ەكەنىن ايتىپ، وتباسىنا قايتا بارۋدان باس تارتقان.

“ول مەنىڭ سوڭىمنان ەكى جىل بويى جۇگىردى. ءبىز 1991 جىلدان باستاپ بىرگە تۇردىق. 1998 جىلى زاڭدى نەكەگە تۇردىق. ول كىسى ءوزىنىڭ وتباسىنا ورالار دەگەن ويمەن كوپكە دەيىن نەكەمىزدى زاڭداستىرۋعا كەلىسىمىمدى بەرمەي كەلدىم. الايدا زاكەڭ “جانۋليا، سەن مەنى سونشا جىل كۇتتىرىپ قويدىڭ. توي جاسايىق” دەدى. وسىلايشا وتاستىق.

مارقۇم جولداسىمنىڭ بالا-شاعاسى وسى كۇنگە دەيىن كۇن كورسەتپەي كەلەدى. بۇل – شىندىق. ولار مەنى قابىلداماي، اكەلەرىن قايتارعىسى كەلدى. مەن دە ونىڭ ءوز وتباسىنا ورالعانىن قالادىم. قايت دەگەندە قايتپاعان ادام عوي. ءتىپتى، ماعان قۇجاتسىز-اق وسىلاي عاشىق بولا بەرشى دەپ وتىنگەن بولاتىنمىن”، – دەيدى ماقپال ءجۇنىسوۆا.

بۇگىندە ماقپال ءجۇنىسوۆانىڭ مەرەي ەسىمدى قىزى بار. بولاشاقتا قىزىن امان-ەسەن ۇزاتىپ، ۇرپاق وربىتسەم دەپ ارماندايدى ەكەن ءانشى.