شىمكەنتتىك جاستار جينالىپ، «91» توبىنا قارسىلىق ءبىلدىردى، - دەپ حابارلايدى Qamshy.kz.

وڭتۇستىك جاستارى ارنايى بەينەماتەريال دايىنداپ، قازاق ساحناسىندا قىزىلدى-جاسىلدى جىگىتتەردىڭ جۇرۋىنە قارسى ەكەندەرىن ايتتى.

«بىزگە ازعىندار ەمەس، ازاماتتار كەرەك! بىزگە قۇزعىندار ەمەس، قىراندار كەرەك! ەلىن سۇيگەن ۇلاندار كەرەك!» دەدى شىمكەنت جاستارى.

بەينەماتەريالدا بەلگىلى ءانشى زاتتىبەك كوپبوسىن ۇلى دا بوي كورسەتكەن. ءانشى وڭتۇستىك جاستارىن قولداپ، قازاق ساحناسىندا «91» توبىنىڭ جۇرۋىنە قارسى ەكەنىن جەتكىزگەن.

اتالمىش ۆيدەو الەۋمەتتىك جەلىدە قىزۋ تالقىعا ءتۇسىپ، جەلى قولدانۋشىلارىنىڭ پىكىرى ەكىگە جارىلدى. ءبىرى شىمكەنتتىك جاستاردى قولداسا، ەندى كەيبىرى 30-40 ادامنىڭ بارلىق وڭتۇستىك جاستارىنىڭ اتىنان سويلەۋگە بولمايتىنىن ايتىپ جاتىر.

ايتا كەتەيىك، بۇعان  دەيىن Ninety one شىمكەنت قالاسىندا كونسەرت وتكىزۋدى جوسپارلاعان بولاتىن.