اقتوبەدە جات اعىمنىڭ جەتەگىندە كەتكەن ون جىگىت اسكەر قاتارىنا الىنباعان. ارنايى كوميسسيا ولاردىڭ ءدىني كوزقاراستارىنان قورقىپ ىرىكتەۋدەن وتكىزبەپتى، - دەپ حابارلايدى Qamshy.kz كتك ارناسىنا سىلتەمە جاساپ.
راديكالداردىڭ قورعانىس سالاسىنا كىرىپ، ىرىتكى سالۋىنان قورىققان قۇزىرلى ورگاندار كۇزگى شاقىرىلىمعا كەلگەندەردى ءجىتى سۇزگىلەۋدە. وتان الدىنداعى بورىشىن وتەۋگە مىندەتتى جاستاردى مەديسينالىق تەكسەرۋگە شاقىرماستان بۇرىن جەكە ىستەرىن تەكسەرەدى ەكەن. ەگەر ۇلتتىق قاۋىپسىزدىك كوميتەتى مەن ىشكى ىستەر دەپارتامەنتىنىڭ تىزىمىنە ىلىككەندەر بولسا اسكەرگە جولاتپايدى. بيىلدىققا ون جىگىت ەكسترەميستىك ۇستانىمدارى ءۇشىن، تاعى ءبىرى باپتيستەردىڭ ۋاعىزشىسى بولعاندىقتان اسكەردەن شەتتەتىلگەن.
ادىلبەك قۇلتايەۆ، اقتوبە وبلىستىق قورعانىس ىستەرى جونىندەگى دەپارتامەنتى باستىعىنىڭ ورىنباسارى:
-اسكەرگە شاقىرماستان بۇرىن ەر ازاماتتاردى سىرتتاي زەرتتەپ، جەكە ىستەرىن تەكسەرەمىز. ۇلتتىق قاۋپسىزدىك كوميتەتى مەن ىشكى ىستەر ورگاندارىمەن تىعىز بايلانىستىمىز. ارنايى تەكسەرۋ كەزىندە تىركەۋدە تۇرعان- تۇرماعانى انىقتالادى.
