اتىراۋلىق ەكس-پوليسەي ماناربەك وتەۋوۆتىڭ حاتىندا اتتارى اتالعان 8 پوليسەيدىڭ تورتەۋىنە سوت ۇكىم كەستى دەپ حابارلايدى ktk.kz. بۇلاردىڭ بارلىعى دا ءوز كىنالارىن مويىنداپ، مەملەكەتتىك ايىپتاۋشىمەن پروسەسسۋالدىق كەلىسىمگە كەلگەن. ال وزگە 4 ەكس-پوليسەيگە قاتىستى ۇكىمى ەرتەڭ شىعادى دەپ كۇتىلۋدە.

ناقتىراق ايتقاندا، اعا انىقتاۋشى الەكساندر كيم مەن انىقتاۋشى اسلان ءحايرۋلليننىڭ ءارقايسىسى شارتتى تۇردە 2 جىلدان ارقالاسا، جەدەل ۋاكىلدەر ازيدوللا بايانوۆ – 2 جارىم، ءالي قابدەشيەۆ – 3 جىلعا باس بوستاندىقتارىنان ايرىلدى. ايتا كەتەيىك، بۇلارعا قاتىستى قىلمىستىق ءىستىڭ قوزعالۋىنا سەبەپشى بولعان – ماناربەك وتەۋوۆتىڭ وزىنە 4 باپ بويىنشا كىنا تاعىلعان بولاتىن. سۋديا بۇل جولى ونى 5 جىلعا باس بوستاندىعىنان ايىردى. ءبىراق وعان مۇنىڭ الدىندا كەسىلگەن 22 جىل سول كۇيى قالدىرىلدى. قىلمىستىق كودەكستىڭ 6 ءتۇرلى اۋىر بابىمەن ايىپتالعان جالپى 9 پوليسەيدىڭ ءىسى 28 تومدى قۇراعان. ال بۇلاردىڭ باسشىلارى – اتىراۋ قالالىق كريمينالدىق پوليسيا باستىعى نۇربولات قابدەشيەۆ پەن اعا جەدەل ۋاكىل بەيبىت شالتەنوۆتىڭ ءىسى بولەك قارالىپ جاتىر.