باس پروكۋرور جاقىپ اسانوۆتىڭ ءتوراعالىق ەتۋىمەن زاڭدىلىقتى، قۇقىقتىق ءتارتىپتى جانە قىلمىسقا قارسى كۇرەستى قامتاماسىز ەتۋ جونىندەگى ۇيلەستىرۋ كەڭەسىنىڭ وتىرىسى ءوتتى دەپ حابارلايدى باس پروكۋراتۋرانىڭ باسپا ءسوز قىزمەتى.

2016 جىل بويىنشا قۇقىق قورعاۋ ورگاندارى جەكە قۇرامىنىڭ سىبايلاس جەمقورلىققا قارسى زاڭناما مەن مەملەكەتتىك قىزمەتشىلەردىڭ ادەپ كودەكسىن ساقتاۋى ماسەلەلەرى تالقىلاندى.

قۇقىق قورعاۋ ورگاندارى سىبايلاس جەمقورلىققا بارىنەن بەيىم كۇيىندە قالىپ وتىر. جىل سايىن قىزمەتكەرلەر 200 سىبايلاس جەمقورلىق قىلمىستارىن جاسايدى.

قاڭتاردان باستاپ ادەپ كودەكسى قولدانىسقا ەنگىزىلەدى، ول قوعامنىڭ سەنىمىن نىعايتۋعا جانە ادەپتەن تىس مىنەز-قۇلىقتىڭ الدىن الۋعا باعىتتالعان. وسى ۋاقىت ىشىندە 750-دەن استام قىزمەتكەر جاعىمسىز سەبەپتەرمەن جۇمىستان بوساتىلعان (قىزمەتتەن تىس بايلانىستار ورناتقانى، ماس كۇيىندە اۆتوكولىك باسقارعانى، قىزمەتتىك ءتارتىپتى بۇزعانى، ادەپتەن تىس مىنەز كورسەتكەنى ءۇشىن).

قۇقىق قورعاۋ ورگاندارى جۇيەسىندەگى سىبايلاس جەمقورلىققا قارسى زاڭنامانىڭ ورىندالۋى تۋرالى سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ باسشىسى تالعان تاتۋبايەۆ پەن باس پروكۋراتۋرا كادر جۇمىستارى دەپارتامەنتىنىڭ باستىعى الەكساندر وگاي باياندادى.

ۇلتبيۋرو باسقا قۇقىق قورعاۋ ورگاندارىمەن بىرلەسىپ ازىرلەنگەن جول كارتاسىنىڭ تانىستىرىلىمىن جۇرگىزدى، ول سىبايلاس جەمقورلىققا قارسى ءىس-قيمىل مەن ونىڭ الدىن الۋدىڭ ءتيىمدى جۇيەسىن قۇرۋدى، ءوز قاتارلارىندا ادەپ ستاندارتتارىن ساقتاۋدى كوزدەيدى.

كەڭەس قورىتىندىسى بويىنشا جول كارتاسى ماقۇلداندى.