2017 جىلدىڭ 19 قاڭتارىندا اۋعانستاننىڭ ساري-پۋل پروۆينسياسىندا ۇستالعان سودىر اتىراۋ وبلىسىنىڭ تۋماسى ەكەنى انىقتالدى دەپ حابارلايدى tengrinews.kz. مۇنىڭ الدىندا ق ر سىرتقى ىستەر مينيسترلىگى ونى قازاقستاننىڭ سۇراۋى بويىنشا ينتەرپولدىڭ ىزدەستىرگەنىن حابارلاعان ەدى.
"جەرگىلىكتى قۇقىق قورعاۋ ورگاندارى تەرروريزم بويىنشا كۇدىكتى قازاقستان ازاماتىن ۇستادى. زنالييەۆ دامير امانگەلدى ۇلى 1989 جىلى اتىراۋ وبلىسىندا دۇنيەگە كەلگەن"، - دەيدى ءسىم باسپا ءسوز قىزمەتىنىڭ جەتەكشىسى ءانۋار جايناقوۆ.
مۇنىڭ الدىندا اۋعانستاننىڭ سولتۇستىگىندە ەكى سودىردىڭ ۇستالعانى حابارلانعان. ب ا ق اقپاراتى بويىنشا، ولار قازاقستان مەن وزبەكستان تۋمالارى. سودىرلاردىڭ ءاتى-جونى دەمير زەنلييوۆ جانە ابدۋل ماتين دەپ ايتىلعان. ولاردى ۇستاۋ كەزىندە اۋعانستاندىق ءتورت ءتالىپ مەرت بولعان. تاعى ءبىر اۋعانستاندىق جارالانىپ، ءقازىر قاماۋدا جاتىر.
