2015 جىلى تۇركيا پرەزيدەنتى رەدجەپ تاييپ ەردوعان ءوزىنىڭ كامپانيالىق ۋادەسىندە ءۇش بالاسى بار تۇركيالىق وتباسى مەملەكەتتەن قوسىمشا تولەماقى الادى دەگەندى ايتقان بولاتىن. كەيىن ايتقان ۋادەسىندە تۇرىپ بالاسى بار جۇمىسباستى ايەلدەر مەملەكەتتەن كومەك رەتىندە ايىنا $441 الاتىن بولدى. ول ءۇشىن ايەل بالاسىنا كاسىبي بالا كۇتۋشى جالداۋى شارت. سوعان قاراماستان تۇركيادا ۇيدە وتىرىپ نەمەرەسىن باعىپ وتىرعان اجەلەر كوپ. تۇركيا بيلىگى 2016 جىلدىڭ قازانىنان باستاپ قوسىمشا تولەماقىنى اجەلەرگە بەرگەن دۇرىس دەپ حابارلادى. بۇل زاڭناما العاشىندا بۋرسا جانە يزمير ايماقتارىندا ەنگىزىلەدى. العاشقى ەتاپتا بۇل باعدارلاماعا 1000 وتباسى قاتىستىرىلادى. ەڭ سوڭىندا 500 000 تۇرىك كەيۋانانى قامتۋ ويلاستىرىلۋدا. 

تۇركياداعى زەينەتاقى مولشەرى ورتا ەسەپپەن 1000 مەن 1800 تۇرىك ليرا ارالىعى ($250–450) ەكەندىگىن ايتا كەتەيىك. دەگەنمەن اتالمىش باعدارلامانىڭ ارقاسىندا قارت انالار كەلىندەرىن جۇمىسقا جىبەرىپ، وزدەرى نەمەرە باعىپ وتىرىپ قوسىمشا تابىس تابا الاتىن بولدى. نەمەرەسىنە قارايتىن تۇرىك اجەسى جاڭا زاڭعا سايكەس ايىنا 400 تۇرىك ليراسىن (€99 نەمەسە $105) الماق.

جولتايدىڭ قىزى