باتىس قازاقستان وبلىسىنىڭ اكىمى التاي كۇلگىنوۆ جاڭا جىلدا جاڭا كولىكپەن ءجۇر دەپ حابارلايدى uralskweek.kz. ءوڭىر باسشىسى 56 ميلليون تەڭگەلىك Audi A8 ماركالى، 001 WK نومەرلى كولىك العان. مۇنى بقو اكىمىنىڭ باسپا ءسوز قىزمەتى دە راستادى. الايدا باسپا ءسوز قىزمەتى بىرنەشە مينۋتتان كەيىن uralskweek.kz-كە قايتا قوڭىراۋ شالىپ، كولىكتىڭ جالعا الىنعانىن ايتقان.
«قاراجاتتى ۇنەمدەۋ ءۇشىن كولىك جەرگىلىكتى كاسىپكەرلەردەن جالعا الىندى. كولىككە اي سايىن 50 مىڭ تەڭگە تولەيدى» دەدى وبلىس اكىمىنىڭ باسپا ءسوز قىزمەتىنىڭ جەتەكشىسى جارقىن تۇسىپبەكوۆ.
بقو اكىمى التاي كۇلگىنوۆتىڭ كولىگى ارنايى تاپسىرىسپەن دايىندالعان. وندا قىمبات مۋلتيمەديالىق جۇيە ورناتىلىپ، سيرەك كەزدەسەتىن اعاشپەن جابدىقتالعان، وتىراتىن ورىندىقتارى اشىق ءتۇستى تەرىمەن قاپتالعان.
Mercur Auto كومپانياسىنان شىعارىلعان Audi A8 ماركالى كولىكبۇزىلىپ قالعان جاعدايدا استراحان نەمەسە اتىراۋدا جوندەۋ جۇمىستارى جۇرگىزىلەدى. سەبەبى ، ورال قالاسىندا Mercur Auto كومپانياسىنىڭ رەسمي ديلەرى جوق.
