وزبەك ازاماتشاسىن جالدامالى پاتەردە ۇستاپ، جىنىستىق قىزمەت كورسەتۋگە ماجبۇرلەگەن دەپ حابارلايدى nv.kz. ۇيىمداسقان قىلمىسپەن كۇرەس باسقارماسىنىڭ قىزمەتكەرلەرى وزبەكستان ازاماتشاسىن جىنىستىق قۇلدىقتان قۇتقاردى.  پوليسياعا بەلگىسىز بىرەۋدەن پاتەردە وزبەكستان تۇرعىنىن ۇستاپ، جىنىستىق قىزمەت كورسەتۋگە ماجبۇرلەگەنى تۋراسىندا اقپارات كەلىپ تۇسكەن.

پوليسەيلەر ارنايى وپەراسيا جۇرگىزىپ، قىزدى قۇلدىقتان بوساتتى. بەلگىلى بولعانداي، ونى 30 جاسار شاحتينسك تۇرعىنى، 37 جاسار قاراعاندى جانە 27 جاسار الماتى تۇرعىنى قۇلدىقتا ۇستاعان. باسىندا قىزدى الماتىدا جەزوكشەلىكپەن اينالىسۋعا ماجبۇرلەپ، ودان كەيىن قاراعاندىعا الىپ كەلگەن.

ۇستالعان ايەلدەرگە قاتىستى 10 قىلمىستىق ءىس قوزعالدى. ولار «زاڭسىز تۇردە ەركىندىگىن شەكتەۋ»، «سەكسۋالدى قاناۋ»، «ادام ساۋداسى»، «جەڭگەتايلىق» سەكىلدى اۋىر قىلمىستار بويىنشا ايىپتالىپ وتىر.