|
ماس كۇيىندە تۇرعىن ءۇي اراسىندا دارەت سىندىرىپ، ماس كۇيىندە جەردە جاتىپ كولىك قوزعالىسىنا كەدەرگى كەلتىرگەن پوليسەي قىزمەتىنەن بوساتىلدى دەپ حابارلايدى ءبورلى اۋداندىق ءىىب جول-پاترۋلدىك پوليسياسىنىڭ باسپا ءسوز قىزمەتى. "قىزمەتتىك تەكسەرۋ ناتيجەسىندە ءبورلى اۋداندىق ءىىب جول-پاترۋلدىك پوليسياسىنىڭ قىزمەتكەرى ىشكى ىستەر ورگاندارىنان جۇمىستان قۋىلدى. ول قىزمەتتىك ءتارتىپتى ورەسكەل بۇزعانى ءۇشىن، ىشكى ىستەر ورگاندارىنىڭ اتىنا كىر كەلتىرگەنى ءۇشىن جانە مەملەكەتىك قىزمەتكەرلەردىڭ ەتيكالىق كودەكسىن بۇزعانى ءۇشىن كىنالى دەپ تانىلدى"، - دەلىنگەن ىشكى ىستەر دەپارتامەنتى تاراتقان حابارلامادا. |
سونىمەن قاتار، ءبورلى اۋداندىق ءىىب-نىڭ باسشىلارى مەن وبلىستىق ءىىد جەرگىلىكتى پوليسيا قىزمەتىنىڭ باسشىلارى تارتىپتىك جاۋاپقا تارتىلدى.
ەستەرىڭىزگە سالا كەتەيىك، اقساي قالاسىنداعى بالاباقشانىڭ الدىندا ىشىمدىككە سىلقىيا تويىپ العان پوليسەي دارەت سىندىرىپ تۇرعان جەرىنەن بەلگىسىز بىرەۋلەر كامەراعا ءتۇسىرىپ، عالامتورعا جاريالاعان. ودان كەيىن ءدال سول پوليسەيدىڭ ماس كۇيىندە جول ورتاسىندا ۇيىقتاپ جاتقانىن تاعى ءبىر ادام كامەراعا ءتۇسىرىپ، عالامتورعا شىعارعان.
پىكىر قالدىرۋ