قىتايداعى "مەن ءانشىمىن" جوباسىندا ونەر كورسەتىپ جاتقان وتانداسىمىز ديماش قۇدايبەرگەن دجەكي چانمەن كەزدەستى.
بۇل تۋرالى ديماشتىڭ اكەسى قانات ايتبايەۆ الەۋمەتتىك جەلىدە جاريالادى.
"بۇگىن بەيجىڭدە ديماشىمىز اتاقتى اكتەر دجەكي چانمەن كەزدەستى! ديماشتىڭ اندەرىن تەلەارنا ارقىلى تىڭداپ، ۇناتىپ، كەزدەسۋگە ىنتا ءبىلدىرىپتى. وتە كەرەمەت كەزدەسۋ بولدى! دجەكي مىرزا ديماشقا ءوزىنىڭ كۇرتەسى مەن فيرمالىق مۋزىكالىق قۇرىلعىسىن سىيعا تارتتى، ءبىز ءوز كەزەگىمىزدە ونىڭ يىعىنا قازاقى شاپان جاۋىپ، دومبىرا سىيلادىق!"، - دەپ جازدى ديماشقا قولداۋ ءبىلدىرىپ، قاسىندا جۇرگەن اكەسى قانات ايتبايەۆ.
ديماش تا الەۋمەتتىك جەلىدە ءوزىن دجەكي چاننىڭ ارناۋلى شاقىرعانىن جازدى.
پىكىر قالدىرۋ