حوككەيدەن رەسەي مەن قازاقستان اراسىنداعى فينالدىق كەزدەسۋ اياقتالعاننان كەيىن رەسەيلىك قۇراما وكىلىنىڭ ادەپسىز قىلىعى ۆيدەوعا ءتۇسىپ قالدى. ول الەۋمەتتىك جەلىدە تارالىپ، جەلى قولدانۋشىلارىنىڭ نارازىلىعىن تۋدىردى. الايدا، رەسەي قۇراماسى وكىلىنىڭ ادەپسىز قىلىعى كىمگە باعىتتالعانى بەلگىسىز.
ماچ 1:0 ەسەبىمەن رەسەيدىڭ جەڭىسىمەن اياقتالدى. حوككەيلىك كوماندانىڭ قۋانعان ءساتىن ءتۇسىرىپ تۇرعاندا، كوماندا مۇشەسى ادەپسىز قىلىق كورسەتىپ، ول كامەراعا ءتۇسىپ قالعان.
ەستەرىڭىزگە سالا كەتەيىك، ويىننىڭ 42ء-شى مينۋتىندا قازاقستان قۇراماسىنىڭ قاقپاسىنان رەسەيلىك دانييل يلين ساڭىلاۋ تاۋىپ، رەسەي قۇراماسى ۋنيۆەرسيادانىڭ التىن مەدالىن الدى.
