ق ر ينۆەستيسيالار جانە دامۋ ءمينيسترى جەڭىس قاسىمبەك مەملەكەت باسشىسىنىڭ بيىلعى جولداۋىندا «يندۋستريا 4.0» پروسەسىن قازاقستاندا دامىتۋعا ايرىقشا نازار اۋدارعانىن ەرەكشە اتاپ ءوتىپ، ونىڭ قازاقستان ءۇشىن ماڭىزدىلىعىن ايتىپ بەردى.
"كوپشىلىككە «يندۋستريا 4.0» رەتىندە بەلگىلى ءتورتىنشى ونەركاسىپتىك ريەۆوليۋسيا بۇگىندە الەمدەگى جاھاندىق ەكونوميكالىق ماڭىزى بار تەندەنسياعا اينالدى. «يندۋستريا 4.0» ونەركاسىپ سالالارىن ترانسفورماسيالاۋ ءۇشىن الدىڭعى قاتارلى اقپاراتتىق كوممۋنيكاسيالىق تەحنولوگيانى كەڭىنەن قولدانۋعا قاجەت.
مەملەكەت باسشىسىنىڭ تاپسىرماسى مەن ەلىمىزدەگى حالىقارالىق تاجىريبەگە سايكەس، «يندۋستريا 4.0» نەگىزىندە بىرتىندەپ ونەركاسىپتى تەحنولوگيالىق جاڭعىرتۋدىڭ كەشەندى شاراسى مەن ءتيىستى تۇجىرىمداما ازىرلەنەتىن بولادى. جالپى، يندۋستريا 4.0 ەلەمەنتتەرىن ەنگىزۋ قازاقستان ونەركاسىبىنە قولدانىستاعى جۇيەنى جەڭىلدەتۋگە كومەكتەسەدى. جاڭا تەحنولوگيالار ەلەكتروندى فورماتتا دەرەكتەرمەن الماسۋدى ۇيىمداستىرۋعا جانە جەرگىلىكتى جەردە از مولشەرمەن شىعارۋعا مۇمكىندىك بەرەدى (مىسالى، اۆتوموبيل ونەركاسىبىنىڭ قاجەت بولشەكتەرى). ءوندىرىستى اۆتوماتتاندىرۋ ادام ەڭبەگىن الماستىرۋعا مۇمكىندىك بەرەدى. مىسالى، روبوتتالعان دانەكەرلەۋ كەشەنىنىڭ ءبىر وپەراتورى تاپشىلىعى ۇدايى سەزىلەتىن 5-10 بىلىكتى دانەكەرلەۋشىنى الماستىرا الادى. بۇل تۇرعىدا ولاردى وقىتۋعا جۇمسالاتىن شىعىن ازايادى، سونىمەن قاتار، سالاعا جاستاردى تارتۋدا كاسىپتىڭ بەدەلى ارتادى.
«BCG» ساراپشىلارىنىڭ پىكىرى بويىنشا، «يندۋستريي 4.0» ەنگىزۋ گەرمانيادا وڭدەۋ ونەركاسىبىندە ونىمدىلىك 90 ملرد. ەۋرودان 150 ملرد. ەۋروعا دەيىن ارتقان. ال، نەمىس كومپانيالارىنىڭ قوسىمشا تابىسى جىلىنا 30 ملرد. ەۋرونى قۇرايدى. سونداي-اق، حالىقارالىق ساراپشىلاردىڭ پىكىرىنشە، «يندۋستريا 4.0.» تەحنولوگياسىنا كوشۋگە 20 جىلعا جۋىق ۋاقىت قاجەت. دەگەنمەن، ءقازىردىڭ وزىندە ساندىق نەگىزگە كوشۋ ءۇشىن ءتيىستى العىشارتتاردى جاساۋ كەرەك. مىسالى، ءتۇرلى ەلدەردە ورتاشا جانە ۇزاقمەرزىمدى باستامالار مەن «يندۋستريا 4.0.» تەحنولوگياسىن ەنگىزۋدىڭ ءتيىستى تۇجىرىمدامالارى قابىلدانعان: «Industrie 4.0» (گەرمانيا)، «Industrie du Futur» (فرانسيادا)، «Manufacturing innovation 3.0» (وڭتۇستىك كورەيادا)، «Make in India» (ءۇندىستان)، «Industria Conectada 4.0» (يسپانيادا)، «ۇلتتىق تەحنولوگيالىق باستاما» (رف)، «The New Robot Strategy» (جاپونيا)، «Manifattura Italia» (يتاليا)، China Manufacturing 2025 (قحر) جانە ت.ب." دەپ جازدى جەڭىس قاسىمبەك ءوزىنىڭ Facebook پاراقشاسىندا.
