رف تاۋلى التاي وڭىرىنە قاراستى «قوش اعاش» اۋدانىنىڭ باسشىسى اۋەلحان جاتقانبايەۆتى پارا الدى دەگەن كۇدىكپەن تۇتقىنعا الدى دەپ حابارلايدى baq.kz.
وقيعا 22 اقپان كۇنى ورىن العان.
ول وتكەن جىلى قاڭتار ايىندا مەكتەپ قۇرىلىسىن اۋكسيون ارقىلى ساتۋدا جەڭىسكە جەتۋى ءۇشىن ءباسساۋداعا قاتىسۋشىدان 3 ملن. رۋبل كولەمىندە پارا العان دەپ ايىپتالىپ وتىر. ءوزىنىڭ ەشقانداي كىناسىز ەكەنىن ايتقان اۋەلحان ءجازيت ۇلى سوت زالىنا جەدەل-جاردەم قىزمەتكەرلەرىن شاقىرتۋعا ءماجبۇر بولدى. سەبەبى ونىڭ دەنساۋلىعى سىر بەرە باستاعان.
ال وسى وقيعاعا بايلانىستى اۋەلحان جاتقانبايەۆتىڭ ۇلى مەيىرىم جاتقانبايەۆقا حابارلاسىپ، ءىستىڭ ءمان-جايىن سۇراعاندا، ول بىلايشا جاۋاپ بەردى. جانە وسى جان ايقايىن جاناشىر جاندارعا جەتكىزۋىمىزدى سۇرادى.
«اسسالاۋماعالايكۋم قانداستار!!! مەن رەسەي التاي ولكەسىنىڭ، قوس-اعاش اۋدانىنىڭ تۇرعىنىمىن. اكەم جاتقانبايەۆ اۋەلحان جازيت ۇلى، وسى اۋداننىڭ اكىمى. ات توبەلىندەي ازعانتاي 12 000 قازاعىنا بۇكىل ءومىرىن، دەنساۋلىعىن اياماي ەڭبەك ەتتى. جەرگىلىكتى حالقىنىن قولداۋىمەن 4 مارتە اۋدان اكىمىنە سايلانىپ، جۇمىسىن زور اتقاردى. ەلىنىڭ ءۇمىتىن اقتاپ، كەلەشەكتە وسەر ۇرپاعىنا جول سىلتەدى. جوعارعى جاقتاعى ورىس پەن التاي ۇلتىنىڭ تاپسىرماسى بويىنشا بۇل ادام ەندى كەرەك ەمەس دەپ ساياسات قۋدالاۋىنا ءتۇستى. جاساماعان ىسكە جالا جاۋىپ، ەش ءبىر ناقتى دالەلسىز اپارىپ قاماپ تاستادى تۇرمەگە. دەنساۋلىعى ونسىز دا ناشار ادامدى قان قىسىمى جوعارى جانە جۇرەگى ناشار ادامدى ەش ءبىر نارسەگە قاراماستان قامادى. ءبىر سوزبەن ايتقاندا ورىسشا " بەسسپرەدەل" جاسادى. ۇلكەن باس ءمۋفتييدى دە كىرگىزبەيدى كىرىپ دەم سالىپ جۇرەگىنە سابىرلىق ۇيالاتىپ كىرسىن دەسە دە. جەرگىلىكتى تۇرعىندار، ەلى جۇرتى، اعايىنى جينالىپ الاڭعا شىقسا بوستاندىق پەن ادىلەتتىك سۇراسا، پوليسيا ءبارىن شەتىنەن قۋىپ قامايمىز دەپ قورقىتۋدا. بۇكىل حالىق جىلاپ ەڭىرەپ قايعىرىپ وتىر. كەلەسى كەزەك جان ۇياسىنا ءقاۋىپ ءتونىپ تۇر. ۇلكەن قىزى، مەنىڭ اپايىم ول ەكەمىز قازاقستان ازاماتىمىز ءبىزدى دە قاماۋعا الماقشى. اينالايىن قازاعىم، الىستاعى قانداستارىڭىزعا قول ۇشتارىڭىزدى سوزۋىن سۇرايمىز. الدىمەن اللادان دۇعا تىلەپ، جەڭىلدىگىن بەرسىن. بۇكىل الەۋمەتتىك جەلىگە ماكسيمالدىق رەپوست جاساپ بولىسىڭىزدەر، ەلباسىنا جەتكىزۋ كەرەك بۇل جاعدايدى. نازارسىز قالدىرمايتىن شىعار دەپ ۇمىتتەنەمىز...» - دەيدى مەيرىم جاتقانبايەۆ.
ازىرگە اۋەلحان جازيت ۇلىنىڭ ۇستىنەن قوزعالعان قىلمىستىق ءىستى رەسەيلىك ب ا ق جارىسا جازىپ، اق ءىسىن قارا ەتۋگە تىرىسىپ جاتىر.
اۋەلحان جازيت ۇلى وسى وڭىردە العاشقى رەت حالقىنا ناۋىرىز تويىن، بۇركىت تويىن وتكىزىپ العاشقى رەت حالىقارالىق ازيا چەمپتوناتى قازاق كۇرەستەن وتكىزگەن ەدى. ازيا چەمپيوناتىنىڭ قازاق كۇرەسىنىڭ العاشقى پرەزيدەنتى. سوۆەت وكىمەت قۇلاعاننان كەيىن ەڭ العاش مەشىت سالدىرىپ اتامەكەننەن شاكىرتتەر وقىتىپ الدىردى. قازىرگى كەزدە اۋدان كولەمىندە 9 مەشىت سالدىردى. دۇنيەجۇزى قازاقتار قاۋىمداستىعىنا 4-5 رەت ات سالىسا كومەگىن كورسەتىپ ۇلكەن ءىس شارالارعا قاتىستى. اتامەكەن، تاريحي وتانى - قازاقستانمەن تىعىز بايلانىس جاساپ، ءار سالادا ىستەگەن ءىسى زور. 4ء-شى وتكەن دۇنيەجۇزى قازاقتار قۋرىلتايىندا ەلباسى نازاربايەۆ ەكى ەلدىڭ اراسىندا اتقارعان ءىسىن باعالاپ، العىستان باسقا ايتارىم جوق دەپ ەدى. بۇل ادام ماراپاتتالعان مەدال، وردەندەرى دە از ەمەس. اراسىندا رەسەي ءدىني ورتالىعى مۋفتيي اشيروۆتىڭ "ال-يحسان" وردەنى دە بار. نەگىزى "اڭدىعان جاۋ الماي قويماس" دەگەن ءسوز بەكەر ەمەس ەكەن. ەشكىمگە باس بەرمەي، ازعانا قازاعانىڭ نامىسىن قورعاپ، ۇلتىنىڭ جاناشىرى بولىپ كەلدى. ءبىراق ۇلتى ۇنامادى ما، الدە ءىسى ۇنامادى ما بەلگىسىز، قىر سوڭىنا ءتۇسىپ، اقىرى تۇرمەگە قامادى. بۇل قازاق حالقىنىڭ جان ايقايى. بۇگىنگى كۇنى موڭعوليا، قازاقستان، رەسەيدەگى اۋەلحان ءجازيتۇلىن تانىيتىن قازاقتار ونىڭ باس بوستاندىعىن الۋىن سۇراپ وتىر.
ءقازىر اۋەلحان جاتقانبايەۆ قاماۋدا.
