«اتامەكەن» ۇلتتىق كاسىپكەرلەر پالاتاسىنىڭ ىسكەر ايەلدەر كەڭەسى 2016 جىلعى جۇمىس قورىتىندىسى بويىنشا ەسەپ بەرىپ، الداعى ۋاقىتقا ارنالعان جوسپارىمەن ءبولىستى دەپ حابارلايدى qamshy.kz.

ورتالىق كوممۋنيكاسيالار قىزمەتىندە وتكەن بريفينگكە «اتامەكەن» ۇكپ ءتورالقا ءتوراعاسى حاتشىلىعىنىڭ جەتەكشىسى ىسكەر ايەلدەر كەڭەسىنىڭ ءتورايىمى ءلاززات رامازانوۆا، «Asyl Arman» ج ش س ديرەكتورى، وڭتۇستىك قازاقستان وبلىسى وڭىرلىك ىسكەر ايەلدەر كەڭەسىنىڭ ءتورايىمى الما ارحابايەۆا، «تەرريتوريا ديزاينا deSali» ستۋدياسىنىڭ، «Coffee & People» ج ش س ديرەكتورى، ماڭعىستاۋ وبلىسى وڭىرلىك ىسكەر ايەلدەر كەڭەسىنىڭ ءتورايىمى ساۋلە ساليحوۆا جانە «DELUXE» جۋرنالىنىڭ باس رەداكتورى قاراعاندى وبلىسى وڭىرلىك ىسكەر ايەلدەر كەڭەسىنىڭ ءتورايىمى ءاليا سادىربايەۆا قاتىستى.

«قازاقستان ايەلدەرىنىڭ ومىرلىك ۇستانىمى كۇن سايىن بەلسەندى بولىپ كەلە جاتقانىن كورىپ وتىرمىز. بيزنەس جايىندا ايتقاندا، كاسىپكەرلىكتەگى ايەلدەر ۇلەسى ايتارلىقتاي ءوستى. سانداردى سويلەتسەك، بۇگىندە كاسىپكەرلىكتەگى ايەلدەردىڭ ۇلەسى شامامەن 50%، ال مەملەكەتتىڭ ءجىو قۇراۋداعى سالىمى ­– 40%. مۇنداي جاقسى كورسەتكىشتەر ەلباسىنىڭ جۇرگىزىپ وتىرعان ساياساتى مەن مەملەكەتتىك قولداۋدىڭ ارقاسىندا ورىن الىپ وتىر»، –­ دەدى ىسكەر ايەلدەر كەڭەسىنىڭ ءتورايىمى ءلاززات رامازانوۆا.

ونىڭ ايتۋىنشا، كاسىپكەرلەر پالاتاسى 2016 جىلى العاش رەت پيلوتتىق رەجيمدە قازاقستاننىڭ 6 وڭىرىندە بيزنەستى ميكرونەسيەلەۋ باعدارلاماسىن ىسكە قوستى. اقتوبە، الماتى، جامبىل، قىزىلوردا مەن ماڭعىستاۋ وبلىستارىنداعى وڭىرلىك كەڭەستەر وسى جوبانىڭ جۇزەگە اسىرىلۋىندا بەلسەندى جۇمىس اتقارىپ كەلەدى.

بيزنەسكە سەرۆيستىك قولداۋ كورسەتۋ بويىنشا وتكەن جىلى ايەلدەرگە 18 مىڭ قىزمەت كورسەتىلگەن. اقپاراتتىق قامتاماسىز ەتۋ بويىنشا مونوقالالار مەن اۋدانداردا 45 مىڭنان استام ايەلدەرگە ماعلۇمات بەرىلگەن. سونىمەن قاتار، «بيزنەس-مەكتەپ» قىزمەتى اياسىندا 80 مىڭ ايەل وقىتىلعان.

قازاقستان ازاماتتارىنىڭ 9 128 098 (52%) سانى ايەلدەر. ولاردىڭ ىشىندە 16 جاستان 62 جاس ارالىعىندا ەڭبەككە جارامدىلارى ­– 5 323 439 (50%). ال شاعىن جانە ورتا كاسىپكەرلىكتى 697 355 (42%) ايەل باسقارادى. «اتامەكەن» ۇكپ 17 666 كاسىپكەر ايەلگە سەرۆيستىك قولداۋ كورسەتسە، 45 501 ايەلگە اقپاراتتىق قولداۋ جاسادى.

«ىسكەر ايەلدەر كەڭەسىنىڭ جۇمىسىنان كوپتەگەن مىسالدار كەلتىرۋگە بولادى. ونىڭ ىشىندە شىعىس قازاقستان وبلىسىندا جالعىز ۇستا ايەل سۆەتلانا كوشەليەۆانىڭ ءىسى ايرىقشا مىسال بولا الادى. ىسكەر ايەلدەر كەڭەسىنىڭ كوكپەكتى اۋدانىنداعى بولىمشەسىنىڭ بەلسەندى جۇمىسى مەن قولداۋىنىڭ ارقاسىندا «جۇمىسپەن قامتۋدىڭ جول كارتاسى–2020» باعدارلاماسى اياسىندا 2 ميلليون سوماسىندا نەسيە الىپ، ءوزىنىڭ شاعىن سەحىن اشىپ، تەمىردە سوعىلعان 10 ءتۇرلى بۇيىم دايىندايدى. مۇنداي شەبەرلىك ەسكەرۋسىز قالمادى. شەبەرلەر «جاڭا ءونىم» اتالىمىمەن ماراپاتتالىپ، سىي-سىياپاتتارعا يە بولدى»،­ – دەدى ءلاززات رامازانوۆا.

بريفينگتە اتقارىلعان جۇمىستاردىڭ ەسەبىن بەرگەن ىسكەر حانىمدار الداعى جىلعا ارنالعان جۇمىس جوسپارىمەن تانىستىرىپ، بارلىق ىسكەر-ايەلدەردى بىرىگۋگە شاقىردى.