تالدىقورعاندىق ءتارتىپ ساقشىلارى ءىرى كولەمدەگى گەروين پارتياسىن تاركىلەندى دەپ حابارلايدى 24.kz.
بۇل جولى سومكەسىنىڭ تۇبىندەگى قۇپيا قالتاعا 1،5 كەلى ەسىرتكى زاتىن سالىپ الىپ، وبلىس ورتالىعىندا تايراڭداپ جۇرگەن شەتەل ازاماتى قولعا ءتۇستى. تالدىقورعانعا الماتىدان كەلگەن قىلمىسكەر تمد ەلدەرىنىڭ ءبىرىنىڭ ازاماتى بولىپ شىقتى. ونىڭ ءبىزدىڭ ەلىمىزدە بۇرىن سوتتالعانى دا انىقتالدى. ەسىرتكى بيزنەسىمەن اينالىسىپ، وڭاي جولمەن اقشا تاپقىسى كەلگەن شەتەلدىك ۋاقىتشا قاماپ ۇستاۋ يزولياتورىنا توعىتىلدى.
ءقازىر وسى وقيعا بويىنشا قىلمىستىق ءىس قوزعالدى. ەندى ول ءىرى كولەمدەگى ەسىرتكى زاتىن زاڭسىز ساقتاپ، تاراتۋمەن اينالىسقانى ءۇشىن زاڭ الدىندا جاۋاپ بەرەدى.
اۆتورى: ارداق ايبار ۇلى
