ءبىر توپ ەر ادامدار كامەلەتكە تولماعان قىزدى زورلاعاندارىن Facebook  الەۋمەتتىك جەلىسىندە تىكەلەي ەفيردە كورسەتكەن. بۇل تۋرالى qamshy.kz Associated Press-كە سىلتەمە جاساپ حابارلايدى.

وقيعا اقش-تا ورىن العان. زارداپ شەككەن قىزدىڭ اناسى چيكاگو پوليسەي دەپارتامەنتىنە 20-ناۋرىز كۇنى ارىزدانعان. قۇقىققورعاۋ ورگاندارىنا ون بەس جاسار قىزىنىڭ جەكسەنبى كۇنى جوعالعانىن ايتىپ، ونلاين-ترانسلياسيادا بەينەلەگەن قىزدىڭ سۋرەتىن كورسەتكەن.

تەرگەۋشىلەر قىزدى كەلەسى كۇنى تاۋىپ ونى اتا-اناسىنىڭ قولىنا تابىستادى.الايدا، قىزدى قالاي جانە قاي جەردە تاپقانى تۋرالى اقپارات بەلگىسىز. قىزدىڭ سوزىنە قاراعاندا، قىلمىسكەردىڭ بىرەۋى ونىڭ تانىسى بولعان. الايدا، ولاردىڭ جەكە باستارىن انىقتاۋ مۇمكىن بولماعان.

ون بەس جاسار قىزدى زورلاۋعا التى ادام قاتىسقان. ال ونلاين ەفيردى قىرىق ادام كورگەن. «ەشكىم پوليسياعا حابارلاسۋدى ويلاماعان دا» دەيدى پوليسيا قىزمەتكەرلەرى.

Facebook الەۋمەتتىك جەلىسىنىڭ پرەسس-حاتشىسى اندرەا سول كومپانيانىڭ بۇل تۋرالى ەشتەڭە ايتا المايتىنىن، مۇنداي جاعدايدىڭ وتە سوراقى ەكەنىن، بۇنداي كونتەنتتى جەلىگە جىبەرمەيتىندىكتەرىن ايتتى.