بيىل باياناۋىلعا اۋەجاي سالىنادى. پاۆلودار وبلىسىنا قاراستى «باياناۋىل» ۇلتتىق مەملەكەتتىك تابيعي پاركى «استانا ەكسپو -2017» حالىقارالىق كورمەسى قۇرامىنا كىرىپ وتىر. وسىعان وراي شەتەلدىك تۋريستەردىڭ كەلىپ كەتۋىن جەڭىلدەتۋ جانە جەدەلدەتۋ ماقساتىندا ۇلتتىق تابيعي پارك اۋماعىنا ۇشىپ قونۋ جولاعى توسەلەدى. ول جەرگە ارينە سالماعى اۋىر ۇلكەن ۇشاقتار قونا المايدى. ءبىراق شاعىن ۇشاقتار مەن تىكۇشاقتار ءۇشىن قولايلى جاعداي جاساۋعا مۇمكىندىك بار. وبلىستىق بيۋدجەتتەن ءتيىستى قاراجاتى بولىنگەن.

باياناۋىل تاۋلى ولكە، ۇشاقتاردىڭ قونىپ ۇشۋىنا ىڭعايلى جازىق جەر تابۋ قيىن. ءبىراق 15-20 جولاۋشىعا ارنالعان شاعىن ۇشاقتار ءۇشىن ۇزىندىعى 1200 مەتر بولاتىن ۇشۋ جولاعى جەتكىلىكتى. بۇيىرتسا «استانا ەكسپو» كورمەسىنە كەلگەن شەتەلدىك تۋريستەردىڭ ءوز ۋاقىتتارىن ۇنەمدەۋگە مۇمكىندىكتەرى بولادى.

باياناۋىل قىسى جازى تۋريستەردەن بوسامايدى. جىل سايىن شەتەلدەن 150 مىڭداي قوناق كەلەدى. ال بيىلعى بولجام بويىنشا باياناۋىلدىقتار جارتى ميلليون ءتۋريستى كۇتىپ وتىر. سول ءۇشىن تابيعي پاركتە جانە اۋدان ورتالىعىندا كۇردەلى اباتتاندىرۋ جۇمىستارى جۇرگىزىلەدى. وسى ماقساتتا وبلىستىق بيۋدجەتتەن 6 ملرد. تەڭگەگە جۋىق قارجى ءبولىنىپ قويعان.

باياناۋلدىڭ ەش جەرگە ۇقسامايتىن ەرەكشە تابيعاتىنا تامسانباۋ مۇمكىن ەمەس. ءقازىر بۇل ايماققا عالىمداردىڭ نازارى اۋا باستاعان. ويتكەنى فلوراسى مەن فاۋناسى ءالى تۇگەل اشىلىپ بىتپەگەن. بىلتىردىڭ وزىندە پاۆلودار مەملەكەتتىك ۋنيۆەرسيتەتىنىڭ عالىمدارى كوبەلەكتىڭ جاڭا بەس ءتۇرىن انىقتاعان. ەندى ولاردى قىزىل كىتاپقا ەنگىزبەكشى.  

سۇيىندىك احمەتجانوۆ "باياناۋىل" ۇلتتىق تابيعي پاركىنىڭ ديرەكتورى

 زەرتتەسەك ءالى دە بار، ءالى قۇپيادا جاتىر. ءالى زەرتتەۋ كەرەك. فاۋنادا جاتقان كوپ قۇپيانى اشساق. قاراعاندى ۋنيۆەرسيتەتى عالىمدارى جۇمىس ىستەيىن دەپ جاتىر، وسىنداي عىلىمي جۇمىستارمەن. بىزدە وتە سيرەك كەزەدسەتىن وسىمدىكتەر بار، سولاردى زەرتتەيمىز دەپ وتىر. قىزىل كىتاپقا كىرگىزەمىز دەيدى.

جالپى باياناۋىل 1926 جىلدان باستاپ قورعاۋعا الىنعان. ال 32 جىل بۇرىن ۇلتتىق مەملەكەتتىك تابيعي پاركى بولىپ قۇرىلدى. ءقازىر كولەمى 69 مىڭ گەكتارعا جۋىقتايدى. مامانداردىڭ، بولاشاقتا تاعى ۇلعايتساق دەگەن جوسپارى بار.

عابيت ۇزاقباي