فيليپپ كۆاشنيۋ ەسىمدى بالا ءومىردىڭ قاتىگەزدىگىن 7 جاسقا تولماي جاتىپ سەزىندى. بىرىنشىدەن، ول اناسىنان ايىرىلىپ جارتىلاي جەتىم قالدى. كوپ ۋاقىت وتپەي ءومىر بالانى تاعى سىنعا الدى. فيليپپ شيپاسى جوق اۋىر دەرتكە شالدىقتى.
ءوزى پولشادا دۇنيەگە كەلگەنىمەن، بۇگىنگى كۇنى ەم الۋ ءۇشىن اكەسىمەن ۇلىبريتانيادا تۇرىپ جاتىر.
وسىدان 6 جىل بۇرىن ءفيليپپتىڭ اناسى قاتەرلى ىسىكتەن كوز جۇمدى. ەندى، اۋىر دەرتكە بالاسى شالدىقتى. فيليپپ حيميوتەراپيادان ءوتىپ ءجۇر، وسىعان دەيىن بىرنەشە مارتە وتا جاسالعان. الايدا، ءبىر دە بىرەۋى وڭ ناتيجە بەرە قويماعان. دارىگەرلەر دە ءۇمىتىن ءۇزدى. ولاردىڭ ەندىگى قولىنان كەلەتىنى بالانىڭ اۋرۋىن ءسال بولسا دا جەڭىلدەتۋ.
ءفيليپپتىڭ دەنەسىندە جانىن قينايتىن سۇيىقتىق پايدا بولدى. ءوزىنىڭ امان قالماسىن بىلگەن 7 جاستاعى پەرىشتە سوڭعى تىلەگىن ايتتى. بالا جۇرەك قايتىس بولعان سوڭ ءوزىن اناسىنىڭ جانىنا جەرلەگەنىن قالايدى ەكەن. بۇنى بىلگەن فەيسبۋك قولدانۋشىلارى بالانىڭ پولشاعا اۋىسۋى ءۇشىن بار جاعدايدى قاراستىرىپ ءجۇر.
