اقش-تىڭ پەنسيلۆانيا شتاتىندا كورەيدىڭ تانسۋدو توبەلەس ونەرىنەن ساباق بەرەتىن 29 جاستاعى ءمۇعالىم مايكل ششەربانيك بالالاردى ازعىندادى جانە زورلادى دەپ ايىپتالىپ جاتىر. بۇل تۋرالى «قامشى» پورتالى tengrinews.kz-كە سىلتەمە جاساپ حابارلايدى.

ۇستالىپ، قاماۋعا الىنعان ول كامەرالاستارىنا زورلانعان بالالاردى ولتىرۋگە تاپسىرىس بەرگەن، Daily Mail مالىمەتىنشە، اباقتىدا جاتقان كەزىندە ەكس-مۇعالىم الداعى ۋاقىتتا بولاتىن سوت وتىرىسىندا جابىرلەنۋشى بالالار قارسى ايعاق بەرمەۋى ءۇشىن ولاردىڭ بىرەۋىن ولتىرۋگە وقتالعان دەلىنەدى. بۇل ماقساتتا ول، باسىلىمنىڭ مالىمەتىنشە، جابىرلەنۋشى بالالاردىڭ ءبىرى تۇراتىن ءۇيدىڭ كارتاسىن سىزىپ، گازى بار قۇتىنى جارۋعا بولاتىن جەردە كورسەتىپ بەرگەن. تاپسىرىستى ورىنداۋشىعا ول ميلليون دوللار بەرۋگە ۋادە ەتكەن. سونىمەن قاتار، كىسى ولتىرۋشىگە ول تانسۋدو ساباقتارىن تەگىن وتكىزەتىنىن ايتقان.  ەسكە سالايىق، بۇرىنعى ءمۇعالىم ششەربانيككە قاتىستى وتكەن جىلدىڭ ماۋسىمى مەن شىلدەسىندە 12 جاستاعى بالا ايعاق بەرگەن بولاتىن. ششەربانيك ساباق بەرەتىن تانسۋدو سەكسياسىنا قاتىسىپ جۇرگەن بالا زورلانعانىن مالىمدەگەن. وسىدان كەيىن كۇدىكتى قامالعان، الايدا 9 مىڭ دوللار كەپىلاقى بەرىپ، بوساتىلعان.   بۇدان كەيىن قالعان ءتورت بالا ءمۇعالىمنىڭ زورلاعانىن مالىمدەگەن. كۇدىكتى قايتادان ۇستالىپ، اباقتىعا قامالعان. يزولياتوردا بولعان ششەربانيك كامەرالاستارىنا زورلانعان بالالاردىڭ ءبىرىن ولتىرۋگە تاپسىرىس بەرگەن-مىس.  ەندى سوت پروسەسى 4 ساۋىردە باستالادى.