2017 جىلعى 17 ناۋرىزدا بەلگراد قالاسىندا قازاقستان رەسپۋبليكاسىنىڭ ەلشىسى نۇرباح رۇستەموۆ سەربياداعى ەڭ ۇزدىك جوعارى وقۋ ورىندارىنىڭ ءبىرى – الفا بك ۋنيۆەرسيتەتىندە مەملەكەتىمىزدىڭ قازىرگى دامۋىنا جانە قازاقستان مەن سەربيا اراسىنداعى ىنتىماقتاستىقتىڭ كەلەشەك باعىتتارىنا ارنالعان ءدارىس وقىدى.

         اتالعان، ءىس-شاراعا سەربيا پارلامەنتىنىڭ دەپۋتاتتارى، مينيسترلىكتەر جانە مەكەمەلەر، ىسكەر جانە قوعامدىق – ساياسي توپتار، جەرگىلىكتى بۇقارالىق اقپارات قۇرالدارى، سوڭداي-اق ديپلوماتيالىق كورپۋستىڭ وكىلدەرى قاتىستى.

ءدارىس بارىسىندا ەلشى سەرب اۋديتورياسىن قازاقستانداعى الەۋمەتتىك-ەكونوميكالىق احۋال، «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى ەلباسىنىڭ قازاقستان حالقىنا جولداۋىنىڭ نەگىزگى باعىتتارى مەن ەلدەگى كونستيتۋسيالىق رەفورمالار، سونداي-اق قازاقستاننىڭ بۇۇ قاۋىپسىزدىك كەڭەسىندەگى اتقارىپ جاتقان قىزمەتى تۋرالى جانەەكسپو-2017 حالىقارالىق كورمەسىنە دايىندىقتىڭ بارىسى تۋرالى بايانداپ بەردى.

ەكى جاقتى قاتىناستاردىڭ جالپى سيپاتىنا جوعارى باعا بەرە وتىرىپ، نۇرباح رۇستەموۆ ەكى ەل پرەزيدەنتتەرىنىڭ ءوزارا رەسمي ساپارلارى قازاقستان مەن سەربيا اراسىنداعى قالىپتاسقان ديالوگتى تەرەڭدەتۋدىڭ ايقىن ايعاعى بولىپ تابىلاتىنىن اتاپ ءوتتى.  

ءوز كەزەگىندە ۋنيۆەرسيتەت رەكتورى سلاۆكا ۆۋكشا قازاقستاننىڭ بەيبىت جانە يادرولىق قاۋىپسىزدىكتى نىعايتۋ جونىندەگى كۇش-جىگەرىنە، سونداي-اق ەلدەگى ءارتۇرلى ءدىن جانە ۇلت وكىلدەرىنىڭبەيبىت قاتار ءومىر سۇرۋلەرىنە باعىتتالعان مەملەكەت باسشىسىنىڭ ساياساتىنا جوعارى باعا بەردى. بۇدان بۇرىن الفا بك ۋنيۆەرسيتەتىندە 40 قازاق ستۋدەنتتەرى وقىعانىنا وراي، ءبىلىم سالاسىنداعى ەكى جاقتى ىنتىماقتاستىقتى جانداندىرۋ تۋرالى ۋاعدالاستىققا قول جەتكىزىلگەن.