2017 جىلدىڭ 27 ناۋرىز كۇنى ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ باستاماسىمەن «پاراسىز بولاشاققا.بىرگە!» رەسپۋبليكالىق اكسياسى اياسىندا وڭتۇستىك قازاقستان وبلىسىندا سىبايلاس جەمقورلىققا قارسى ءموبيلدى توپتىڭ حالىقپەن كەزدەسۋى ءوتتى دەپ حابارلايدى qamshy.kz. اكسيا شىمكەنت قالاسى، وبلىستىق حالىققا قىزمەت كورسەتۋ ورتالىعىنىڭ عيماراتىندا ءوتتى.

باستى ماقسات – حالىق اراسىندا سىبايلاس جەمقورلىقتىڭ الدىن الۋدى ءتۇسىندىرۋ ماقساتىندا اۋدان، قالالارعا شىعۋ، سونىڭ ىشىندە، مەملەكەتتىڭ سىبايلاس جەمقورلىققا قارسى ساياساتىنىڭ تيىمدىلىگىن ارتتىرۋ، سىبايلاس جەمقورلىقتىڭ كەز-كەلگەن كورىنىسىنە «مۇلدەم توزبەۋشىلىك» احۋالىن جاساۋ ارقىلى سىبايلاس جەمقورلىققا قارسى قوزعالىسقا بۇكىل قوعامدى تارتۋ جانە قازاقستاندا سىبايلاس جەمقورلىق دەڭگەيىن تومەندەتۋ بولىپ تابىلادى. 

«ءموبيلدى توپ» ءوز قىزمەتىندە قولدانىلاتىن نىسانالى ينديكاتورلارى رەتىندە - مەملەكەتتىك كورسەتىلەتىن قىزمەتتەر ساپاسىن جاقسارتۋ،قوعامنىڭ مەملەكەتتىك بيلىك ينستيتۋتتارىنا سەنىمىن، حالىقتىڭ قۇقىقتىق مادەنيەتىنىڭ دەڭگەيىن انىقتاۋ، مەملەكەتتىك قىزمەتتەر كورسەتىلەتىن ورىنداردا جەدەل تۇردە ازاماتتاردى قابىلداۋدى جۇزەگە اسىرۋدى بەلگىلەدى.  

«سىبايلاس جەمقورلىققا قارسى ءموبيلدى توپتىڭ» قۇرامى ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل دەپارتامەنتىنىڭ، وبلىستىق سىبايلاس جەمقورلىققا قارسى ۇلتتىق بيۋرو دەپارتامەنتىنىڭ، «نۇر وتان» پارتياسى وقوف،  جەرگىلىكتى اتقارۋشى ورگاندار، ايماقتىق كاسىپكەرلەر پالاتاسىنىڭ، كاسىپوداق ورتالىعى مەن مەملەكەتتىك كورپوراسيالار، ۇەۇ جانە ب ا ق وكىلدەرى مەن وبلىسىمىزدىڭ ۇزدىك سپورتشىلارىنان تۇرادى. 

«ءموبيلدى توپ» قوعامدىق قابىلداۋدى ارنايى اۆتوبۋسپەن جۇزەگە اسىرا وتىرىپ، سىبايلاس جەمقورلىققا توزبەۋشىلىكتى قولدايتىن ادامدارعا سەنىمىن بىلدىرەدى. «ءموبيلدى توپ» ءوز قىزمەتىن وبلىس كولەمىندە تۇراقتى نەگىزدە جۇزەگە اسىرىپ وتىراتىن بولادى.

 ەلباسى جىل سايىنعى حالىققا جولداۋىندا بەسىنشى باسىمدىقتى – ينستيتۋسيونالدىق وزگەرىستەرگە، قاۋىپسىزدىككە جانە سىبايلاس جەمقورلىقپەن كۇرەسكە قاتىستى انىقتاپ، سىبايلاس جەمقورلىقپەن كۇرەستە كوپ نارسە بۇكىل قوعامنىڭ بەلسەنە اتسالىسۋىنا بايلانىستى ەكەندىگىن اتاپ ءوتتى.

مەملەكەتتىك باقىلاۋ جانە قوعامدى  مەملەكەتتىڭ سىبايلاس جەمقورلىققا قارسى ساياساتتىمەن اقپاراتتاندىرۋ اگەنتتىكتىڭ نەگىزگى قىزمەتتەرىنىڭ ءبىرى بولىپ تابىلادى. اگەنتتىك ءوز تاراپىنان وسى قىزمەتتى جۇزەگە اسىرۋدا ەلىمىزدىڭ ءاربىر ازاماتىنا ءتۇسىندىرۋ ماقساتىندا ءارتۇرلى ادىستەر قولدانۋدا.

جوسپارلانعان ءىس-شارالاردىڭ نەگىزگى ماعىناسى – «تابىستى جانە گۇلدەنگەن قوعامدى سىبايلاس جەمقورلىقتان ەركىن ازاماتتار سالۋى مۇمكىن».

سىبايلاس جەمقورلىق فاكتىلەرى تۋرالى حابارلاۋ جونىندەگى نۇسقاۋ

سىبايلاس جەمقورلىق فاكتىلەرى تۋرالى مالىمەتتى ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ وقو بويىنشا اۋماقتىق دەپارتامەنتتەرىنە حابارلاۋعا بولادى (كەزەكشى ءبولىمنىڭ تەلەفونى: 8-7252-98-14-00).

حابارلامانى:

1. سىبايلاس جەمقورلىققا قارسى قىزمەتتىڭ اۋماقتىق دەپارتامەنتتەرىنە جازباشا تۇردە (مەكەن-جايى: شىمكەنت قالاسى، قازىبەك بي ك،3 نەمەسە تاۋكە حان داڭع،3)

2. «ەلەكتروندى ۇكىمەتتىڭ» egov.kz پورتالىنا.

3. سىبايلاس جەمقورلىققا قارسى قىزمەتتىڭ 1424 سall-ورتالىعىنا جولداۋعا بولادى.