قانشاما قاسىرەتتى، زۇلماتتى باسىنان وتكەرسەدە، بولمىسىن بۇزباي، ءبىتىمىن ساقتاعان حالقىمىزدىڭ تۋ تىگەر تۇعىرىن ناقتاپ، بوداندىقتان بوستاندىققا جەتكەن قازىرگى كەزدە اتا-سالتقا نەمكەتتىلىكپەن قاراپ، ەسىركەپ كەلگەن كەرەمەت ىرىم-تيىمدارىمىزدى ەسكى دەپ ەلەمەي بابا-سالتىمىزعا ءجۇردىم-باردىم قارايتىن دەڭگەيگە تۇستىك پە؟ دەپ قالاسىڭ. تىرسەگى مايىسسا دا، تىزەسى بۇگىلمەگەن، جالاۋى جىعىلسادا جانىنىڭ جالىنى جۇنجىمەگەن اردا حالىق ەدىك. وشكەنىمىز جانىپ، ولگەنىمىز تىرىلگەن بۇل كۇنى وتكەنىمىزدى ەلەپ، بۇگىنىمىزگە دايەك ەتسەك ۇتىلماسىمىز انىق.
ءارى، ءوسىپ كەلە جاتقان وسكىنمەن، كەلەر ۇرپاققا ونەگە بولارى ءسوزسىز.
اتامىز قازاقتا: تۇندىگىڭ ءتۇرىلۋسىز قالسىن! - دەگەن ەڭ اۋىر قارعىس ءسوز بار. مانىنە وي جۇگىرىتسەك، "باقان ۇستار بالاڭ، تۇندىگىڭدى تۇرەر كەلىنىڭ قالماسىن، ۇرپاقسىز، تۇياقسىز قال" دەگەنى. قازاقتىڭ ەڭ ءبىرىنشى بولىپ ىستەيتىن شارۋاسى: تاڭمەن تالاسا تۇرىپ تۇندىكتى ءتۇرۋ. وندا دا تۇندىكتى كەلىنى ءتۇرىپ، پەشكە وت سالعان. اشىق كۇندە تۇندىكتى تۇرمەۋ، ەڭ جامان ىرىم سانالعان.
قازا شىققان قارالى ءۇيدىڭ تۇندىگىن كۇندىز تۇرمەيتىن سالت بار. تۇندىگى تۇرىلمەگەن ءۇيدى الىستان كورگەن ادام، تۇندىگىنىڭ تۇرىلمەگەنىنە قاراپ، ول ۇيدەن ءولىم شىققانىن بىردەن بىلەتىن بولعان.
ەندەشە، بارشا حالىق شات-شادىمان كۇيگە ەنىپ، مارە-سارە قۋانىشقا بولەنگەن مەرەكە-مەيرام، ءدۇبىرلى تويعا تىككەن قازاقى ءۇيىمىزدىڭ تۇندىگىن كۇندىز نەگە تۇمشالاپ جاۋىپ قويامىز؟ الدە اتا-سالتىمىز، بابادان جەتكەن ءسالت-داستۇر، ىرىم-تيىم تۇككە تۇرعىسىز دۇنيە مە؟ قاشانعى قارالى ءۇيدىڭ بەينەسىن تىگەمىز؟ .......
بۇرىنباي بولاتبەك ۇلى
