قازاقستان رەسپۋبليكاسىنىڭ تۇڭعىش پرەزيدەنتى – ەلباسى قورى جانىنداعى الەمدىك ەكونوميكا جانە ساياسات ينستيتۋتىندا (اەسي) مالايزيانىڭ الدىڭعى قاتارلى جەكە-مەنشىك «اقىل-وي ورتالىعى» - ازيالىق ستراتەگيا جانە كوشباسشىلىق ينستيتۋتىنىڭ ASLI (Asian Strategy and Leadership Institute) پرەزيدەنتى، دوكتور مايكل يەو باسقارعان وكىلدەرىمەن كەزدەسۋ ءوتتى دەپ حابارلايدى قامشى اقپاراتتىق اگەنتتىگى ءاسسي باسپا ءسوز قىزمەتىنە سىلتەمە جاساپ.

كەزدەسۋ بارىسىندا تاراپتار حالىقارالىق اناليتيكالىق ورتالىقتاردىڭ كەلىسسوز الاڭدارىنىڭ جاھاندىق جۇيەسىن دامىتۋ اياسىندا ءوزارا ءتيىمدى ەكى جاقتى سەرىكتەستىك ماسەلەلەرىن تالقىلادى. سونداي-اق، بىرلەسكەن زەرتتەۋلەر، جاريالانىمدار، اقپارات الماسۋ، كونفەرەنسيا، سەمينار جانە وزگە دە شارالاردى وتكىزۋ مەن ۇيىمداستىرۋ، قازاقستان مەن مالايزيا اراسىنداعى قارىم-قاتىناستى نىعايتۋ ماقساتىندا وزگە دە باستامالاردى جۇزەگە اسىرۋ سەكىلدى ءبىرقاتار سالالار بويىنشا تۇسىنىستىك تۋرالى مەموراندۋمعا قول قويىلدى.

- قازاقستان مەن مالايزيانىڭ ەكى بىردەي الدىڭعى قاتارلى اناليتيكالىق قۇرىلىمدارىنىڭ سەرىكتەستىك تۋرالى كەلىسىمگە قول قويۋى ەكى ەل اراسىنداعى زەرتتەۋ بايلانىستارىن دامىتىپ، نىعايتۋعا مۇمكىندىك بەرەدى، سونىمەن قاتار، ورتا ازيالىق جانە ازيا-تىنىقمۇحيتتىق ايماقتا بىرلەسكەن عىلىمي جوبالاردى جۇزەگە اسىرۋعا نەگىز بولادى، - دەدى كەزدەسۋ قورىتىندىسى بويىنشا اەسي ديرەكتورى ەرجان سالتىبايەۆ.

شولۋشى: اسەم المۇحانبەت