"قازاقستان قور بيرجاسى" اق (KASE) مەن "الماتى قالاسىنىڭ وڭىرلىك قارجى ورتالىعىنىڭ رەيتينگىلىك اگەنتتىگى" (ءاوقو را) قازاقستان رەسپۋبليكاسىنىڭ باعالى قاعازدار نارىعىن ءارى قاراي دامىتۋ جانە ينۆەستورلاردىڭ مۇددەسىن قورعاۋدى قامتاماسىز ەتۋ ماقساتىندا ىنتىماقتاستىق تۋرالى مەموراندۋمعا قول قويدى دەپ حابارلايدى قامشى اقپاراتتىق اگەنتتىگى.

قول قويىلعان قۇجات KASE مەن ءاوقو را اراسىندا ۇزاق مەرزىمدى ءتيىمدى جانە ءوزارا پايدالى ىنتىماقتاستىق ءۇشىن نەگىز بولادى. ىنتىماقتاستىق شەگىندە KASE ينتەرنەت-رەسۋرسىندا ءاوقو را اقپاراتتىق جانە تالداماشىلىق ماتەريالدارىن جاريالاۋ ارقىلى، سونداي-اق، KASE تىزىمىنە كىرەتىن، كومپانيالاردىڭ ءاوقو را قاشىقتان بەرگەن نەسيەلىك رەيتينگتەرى تۋرالى مالىمەتتەر جاريالاۋ ارقىلى، KASE جانە ءاوقو را اقپاراتتىق ءوزارا ارەكەتتەستىگى جۇزەگە اسىرىلادى.

"قور نارىعىن دامىتۋ پريوريتەتتىك ماقساتتاردىڭ ءبىرى بولىپ تابىلادى، ونى شەشۋ قازاقستان رەسپۋبليكاسىنىڭ ەكونوميكاسىنىڭ تيىمدىلىگىن ارتتىرۋعا سەبەپتەسەدى. قازاقستان قور بيرجاسى بۇگىنگى تاڭدا، امبەباپ قارجى نارىعىنا اينالىپ، وسى نارىققا قاتىسۋشالىر، ساۋدا-ساتتىق الاڭى شەگىندە جاسالاتىن وپەراسيالار تاۋەكەلدەرىنىڭ مينيميزاسياسىنا مۇددەلى. قاشىقتان بەرىلگەن رەيتينگتەر، بولجامدى تاۋەكەلدەر تۋرالى بەلگىلى ءبىر تۇسىنىگى بولاتىنى ءسوزسىز، دەگەنىمەن، ۇلتتىق نەسيەلىك رەيتينگتەردى جاريالاۋ، ولاردى بەرۋ جۋىردا قازاقستاندىق ليستينگىلىك كومپانيالار ءۇشىن تۇراقتى پراكتيكاعا اينالىپ، وسى باعىتتا ءارى قاراي قارقىندى جىلجۋعا قول جەتكىزەدى"، – دەدى ءوز سوزىندە ناتاليا حوروشيەۆسكايا، "قازاقستان قور بيرجاسى" اق باسقارما ءتورايىمىنىڭ ورىنباسارى.

"الماتى قالاسىنىڭ وڭىرلىك قارجى ورتالىعىنىڭ رەيتينگىلىك اگەنتتىگى" اق باسقارماسىنىڭ ءتورايىمى ايگۇل تاسبولات بىلاي دەدى: "حالىقارالىق شكالامەن قاتار، ۇلتتىق شكالا بويىنشا رەيتينگتەر بەرۋ – دۇنيەجۇزى بويىنشا ينۆەستورلاردىڭ تاۋەكەلدەرىن باسقارۋ تيىمدىلىگىن ارتتىرۋعا كومەكتەسەتىن، نەسيەلىك تاۋەكەلدى باعالاۋدىڭ ەتالونى بولىپ تابىلادى".