تانىمال ءانشى ديماش قۇدايبەرگەن قىتايدا وتكەن Asian Music GaLa ماراپاتتاۋ كەشىندە «ەڭ تانىمال شەتەل ءانشىسى» اتاندى دەپ حابارلايدى Qamshy.kz

بۇل تۋرالى ديماش قۇدايبەرگەن  Instagram الەۋمەتتىك جەلىسىندە  جازعان بولاتىن. ال، ديماش قۇدايبەرگەننىڭ دوسى ءارى پروديۋسەرى الپامىس شاريموۆ  ءوز پاراقشاسىندا «ءسۇيىنشى! Asian Music GaLa ماراپاتتاۋ كەشىندە ديماش “ەڭ تانىمال شەتەلدىڭ ءانشىسى” نوميناسياسىنىڭ يەگەرى اتاندى! قۇتتى بولسىن!!! ءبىزدىڭ بالا شەت ەلدە “ەڭ تانىمال ءانشى”!!! راxمەت، Dears!!! راxمەت، ۇيىمداستىرۋشىلار!!!»، – دەپ جازدى.

ديماش قۇدايبەرگەن ساحنا تورىنەن قازاق تىلىندە كەشتى ۇيىمداستىرۋشىلارعا العىسىن جەتكىزدى: «قۇرمەتتى ونەر سۇيەر قاۋىم! بارشاڭىزعا كوپ راحمەت ايتقىم كەلەدى. بارشا قازاق ەلىنىڭ اتىنان وسىناۋ ازيا مەملەكەتتەرى اراسىندا ءوتىپ جاتقان ءىرى جوبادا بوي كورسەتۋگە مۇرىندىق بولىپ تۇرعاندارىڭىزعا كوپ راحمەت».