دۇنيەجۇزىلىك دەنساۋلىق ساقتاۋ ۇيىمىنىڭ مالىمەتىنە ساي، يەمەندە تىرىسقاق اۋرۋىنا شالدىققاندار سانى جارتى ميلليونعا جەتتى دەپ حابارلايدى Qamshy.kz اقپارات اگەنتتىگى  BBC-گە سىلتەمە جاساپ. يەمەندە ءالى كۇنگە دەيىن ازاماتتىق سوعىس ءجۇرىپ جاتىر.

2017 جىلدىڭ ءساۋىر ايىنىڭ سوڭىندا 1975 ادام اتالمىش اۋرۋدان كوز جۇمدى. دۇنيەجۇزىلىك دەنساۋلىق ساقتاۋ ۇيىمىنىڭ مالىمەتىنشە، شىلدە ايىنان باستاپ تىرىسقاق اۋرۋىنا شالدىققانداردىڭ سانى قىسقاردى. دەگەنمەن كۇن سايىن 5000-عا جۋىق ادام كۇندەلىكتى اتالمىش دەرتكە شالدىعادى.

يەمەندە 14 ميلليون ادام تازا اۋىز سۋدى تۇتىنا الماي وتىر. اۋرۋعا شالدىققانداردا اۋرۋ بەلگىلەرى ايقىن كورىنبەسە دە، بىرنەشە ساعاتتىڭ ىشىندە ولىمگە الىپ كەلۋى مۇمكىن.

يەمەننىڭ دەنساۋلىق ساقتاۋ سالاسىنىڭ جاعدايى مۇشكىل. مەديسينالىق مەكەمەلەردىڭ جارتىسىنان استامى جابىق. دەنساۋلىق سالاسىندا جۇمىس ىستەپ جۇرگەن 30 مىڭ ماماننىڭ جالاقى الماعانىنا ءبىر جىل بولدى.

«يەمەننىڭ دارىگەرلەرى سۇمدىق جاعدايدا جۇمىس ىستەپ جاتىر. مىڭداعان ادام اۋرۋعا شالدىققان. ال اۋرۋحانادا ءدارى، تازا سۋ جەتىسپەيدى. دارىگەرلەر جۇمىس ىستەۋ ءۇشىن ولارعا جالاقى بەرۋ كەرەك»، – دەدى دسۇ ديرەكتورى تەدروس ادحانوم گەبرەيەسۋس.

ول تىرىسقاق اۋرۋىنا شالدىققانداردىڭ 99%-ىن ەمدەۋگە بولاتىنىن دا ايتىپ ءوتتى.