ۋكراينا بيلىگى ۋكرايندىق "يۋجماش" زاۋىتىندا دايىندالعان زىمىران قوزعالتقىشى سولتۇستىك كورەيالىق بالليستيكالىق زىمىراندا قولدانىلۋى مۇمكىن ەمەس ەكەنىن مالىمدەدى دەپ حابارلايدى Qamshy.kz اقپارات اگەنتتىگى New York Times-قا سىلتەمە جاساپ.

ايتا كەتەيىك، جاقىندا اقش-تىڭ قۇپيا بارلاۋ قىزمەتىنىڭ اقپاراتىنا سۇيەنە وتىرىپ بريتاندىق ساراپتاۋ ورتالىعى كحدر زىمىران ۇشىرۋ باعدارلاماسى تۋرالى ايتقان. وندا پحەنيان "يۋجماش" ۋكرايندىق كاسىپورنىندا شىعاتىن زىمىرانعا ارنالعان قوزعالتقىشتى قارا بازاردان ساتىپ الىنعانى تۋرالى ايتىلادى.

«بۇل اقپارات ەش نەگىزسىز. ول – ارانداتۋشىلىق مازمۇنداعى اقپارات. ۋكراينا ەشقاشان زىمىران قوزعالتقىشتارىن سولتۇستىك كورەياعا جەتكىزگەن ەمەس»، – دەدى ۋكراينانىڭ ۇلتتىق قاۋىپسىزدىك جانە قورعانىس كەڭەسىنىڭ حاتشىسى الەكساندر تۋرچينوۆ.

"يۋجماشتا" دا اتالمىش ايىپتاۋلاردى جوققا شىعاردى. كاسىپورىن وكىلدەرى تاۋەلسىزدىك العان جىلدان بەرى زىمىران مەن ونىڭ قوزعالتقىشتارىن جاساۋدى توقتاتقانىن ايتادى.