بۇگىندە بۇكىل الەمگە ورتاق ماسەلەلەردىڭ ءبىرى – تەرروريزم. تەرروريزممەن كۇرەس جولىندا قانشاما مەملەكەت كۇش بىرىكتىردى، قارسى ارەكەتتەر جاساپ باقتى. الايدا تيبەت بۋدديستەرىنىڭ ءدىني باسشىسى تەرروريزمدى كۇشپەن جەڭۋ مۇمكىن ەمەستىگىن ايتتى دەپ جازادى Qamshy.kz اقپارات اگەنتتىگى.

دالاي لاما XIV الەمدە كەڭىنەن تارالعان ءارى ۇلكەن ماسەلەگە اينالعان تەرروريزمدى شەشۋدىڭ جالعىز ءادىسى – ديالوگ ەكەنىن ايتتى.

«اسكەري كۇش ءبارىن قىرىپ-جويا الادى، الايدا اقىل، جۇرەك، سانانى وزگەرتۋگە ونىڭ كۇشى جەتپەيدى»، – دەپ كەلتىردى "كوممەرسانت" باسىلىمى ءبۋدديزمنىڭ رۋحاني باسشىسىنىڭ ءسوزىن.

دالاي لامانىڭ ايتۋىنشا، ءبىر ادامنىڭ ءولىمى، ونىڭ تۋىستارى مەن جاقىندىرىنىڭ جانىن جارالايدى، سول سەبەپتى ولار كەك الۋدى كوزدەيدى.

مىسال رەتىندە بۋدديستەردىڭ ءدىني باسشىسى «مۇسىلمان ەلدەرىنىڭ ميلليونداعان تۇرعىندارىن بىر-بىرىنە ايداپ سالىپ وتىرعان» اقش-تىڭ يراكتاعى ارەكەتىن كەلتىردى.

«بۇل وڭاشالانعان ورتانى تەك ديالوگتىڭ كومەگىمەن توقتاتۋعا بولادى»، – دەدى دالاي لاما.