بيىل 410 استانالىق اللا الدىنداعى بەس پارىزىنىڭ ءبىرى – قاجىلىعىن وتەۋگە اتتانادى، دەپ جازادى Qamshy.kz اقپارات اگەنتتىگى. قالا اكىمدىگىنىڭ مالىمەتىنە سۇيەنسەك، بۇگىندە ولارعا «ءالجان انا» مەشىتىندە ارنايى دايىندىق كۋرسى وتكىزىلىپ جاتىر.
– بيىل 410 استانالىق 23 تامىز كۇنى نۇرسۇلتان نازاربايەۆ حالىقارالىق اۋەجايىنان تىكەلەي استانا-دجيددا باعىتىندا ۇشادى. تامىز ايىنىڭ 15-18 ارالىعىندا «ءالجان» انا مەشىتىندە قاجىلارىمىزدى الدىن الا دايىنداۋ ماقساتىندا ارنايى كۋرس ۇيىمداستىرىلىپ جاتىر. وندا قاجىلىق پارىزىن وتەگەن يمامدار ۇلى ساپارعا اتتانعالى وتىرعان ازاماتتارعا ءدارىس بەرىپ، تولىق ماعلۇمات بەرەتىن بولادى، – دەدى «نۇر استانا» ورتالىق مەشىتىنىڭ نايب يمامى مارات بەكتازينوۆ مەديا ورتالىقتىڭ تىلشىسىنە بەرگەن سۇحباتىندا.
ايتا كەتەيىك، وسى جىلى قازاقستان بويىنشا 2500 ادام قاجىلىققا اتتانادى.
