ەۋروپادا تەرروريمزنىڭ بەلەڭ الىپ، كەڭىنەن جايىلىپ كەتكەنىنە گەرمانيا كانسلەرى انگەلا مەركەلدىڭ سالعىرتتىعى كىنالى دەيدى ساياساتكەر الەكساندر كامكين Sputnik راديوباعدارلاماسىنا بەرگەن سۇحباتىندا دەپ حابارالايدى Qamshy.kz اقپارات اگەنتتىگى.

ساياساتكەردىڭ پىكىرىنشە، جاقىن ارادا ورىن العان بىرنەشە تەراكتى جايىندا مەركەل دە، وزگە دە بيلىك باسىنداعىلار جاق اشپاعان. سول سەبەپتى تەرروريزمنىڭ الەمگە كەڭىنەن جايىلۋى ەۋروپالىق تولەرانتتىقتىڭ كەسىرىنەن ەكەنىن مالىمدەدى.

سونداي-اق وتكەن جىلى نەمىس كانسلەرىنىڭ ءوز قاتەسىن مويىنداپ ايتقان ءسوزىن ەسىنە الدى. انگەلا مەركەل وتكەن جىلى ءبىر سوزىندە ەۋرووداقتىڭ شەكارالارى جەتكىلىكتى دارەجەدە بەكىتىلمەگەنىن ايتقان. شەكارانىڭ قورعانىسىن كۇشەيتۋدىڭ ورنىنا نەمىستىڭ ارنايى قىزمەتكەرلەرى ۋلترا-وڭ جانە ۋلترا-سول پارتيالاردىڭ اراسىنان «ىشكى جاۋدى» ىزدەپ، اۋرە-سارساڭعا سالىنعان ەدى. 2010 جىلدا گەرمانيا قۇقىققورعاۋ ورگاندارى ەلدەگى يسلامشىلداردىڭ سانى نەمىس راديكالدارىنىڭ جالپى سانىنان اسىپ تۇسكەنىن مويىنداعان.

«كەلىمسەكتەردىڭ جارتىسى – بەيبىتشىلىكتى قالايتىن حالىق ەمەس. ەۋروپالىق باسشىلاردىڭ تۇيىقتىعىنىڭ كەسىرىنەن مەملەكەتتىڭ 50%-دان كوپ ءتۇرعىنى بيلىككە دەگەن نارازىلىعىن ايتىپ ءجۇر»، - دەدى كامكين.

ايتا كەتەيىك، ەۋروپاداعى سوڭعى تەراكت 17 تامىزدا يسپانيادا ورىن العان. بارسەلونا قالاسىندا كولىك جولدان ءوتىپ بارا جاتقان تۇرعىنداردى باسىپ وتكەن. بىرنەشە ساعاتتان كەيىن اۆتوفۋرگون كامبريلستەگى ءبىر توپ ادامداردى باسادى. ودان بولەك الكانار قالاسىندا ەكى جارىلىس بولدى. سونىڭ سالدارىنان 17 ادام قازا تاۋىپ، 150 تۇرعىن اۋىر حالدە اۋرۋحاناعا جەتكىزىلگەن.