پادۋي جانە بولونيي ۋنيۆەرسيتەتتەرىنىڭ عالىمدارى اي مەن مارس عالامشارىنان ادامداردى قونىستاندىرۋعا بولاتىن جەردى تاپتى، دەپ حابارلايدى Qamshy.kz اقپارات اگەنتتىگى. بۇل جايىندا ەۋروپالىق استروفيزيكتەردىڭ Eroplanet رەسمي سايتى مالىمدەدى.
ساراپشىلار عارىشتىق بەدەر مودەلدەرىن سارالاپ، اي مەن مارس عالامشارىنداعى ۇڭگىرلەر مەن «لاۆا قۇبىرلارى» ادامداردىڭ ءومىر سۇرۋىنە ەڭ قولايلى جەرلەر دەگەن شەشىمگە كەلدى.
عالىمداردىڭ پايىمداۋىنشا، ءدال سول ۇڭگىرلەر مەن لاۆا قۇبىرلارى ادامداردى ميكرومەتەوريتتەر مەن عارىش ساۋلەلەرىنىڭ اعىمىنان قورعاي الادى.
«لاۆا قۇبىرلارى» - لاۆانىڭ بىركەلكى سالقىنداماي قالعان كەزىندە پايدا بولعان ارنالار. لاۆانىڭ ۇستىڭگى بەتى تەزىرەك سالقىندايدى دا، قاباتى قاتتى جانە ءمونوليتتى بولىپ قالىپتاسادى، ونىڭ ىشىندەگى سۇيىق لاۆا بىرتە-بىرتە كەتىپ، تۋننەل قالىپتاستىرادى. عالىمدار مۇنداي تۋننەلدەر 65 كيلومەترگە دەيىن جەتەتىندىگىن ايتادى.
