بۇگىندە الەمگە ايگىلى دجەكي چاننىڭ  جانكۇيەرلەرى اكتەردىڭ وتكەن ءومىرى تۋرالى تولىق بىلە بەرمەيدى. دجەكي چاندى تولىق بىلەمىن دەگەن ادام مۇلدەم قاتەلەسەدى. اڭىزعا اينالعان اكتەردىڭ وتكەن ومىرىندەگى قۇپيالاردى Qamshy.kz اقپارات اگەنتتىگى وقىرمان نازارىنا ۇسىنادى.

دجەكي چان 1954 جىلى گانكونگتە دۇنيە كەلگەن. اتا-اناسىنىڭ كەدەي بولعانى سونشالىق دجەكي ءۇشىن 20 فۋنت ۇسىنعان دارىگەرگە ساتىپ جىبەرمەك بولعان. 20 فۋنت تەڭگەگە شاققاندا 8 مىڭ تەڭگەدەي بولادى. سونىمەن بىرگە دجەكي دۇنيەگە كەلگەن كەزدە اتا-اناسى قىتايدا رەپرەسسياعا ۇشىراعان. دجەكيدىڭ اناسى قۇمار ويىندارىنىڭ اتاقتى ويىنشىسى بولسا، ال اكەسى تىڭشى ءارى قاراقشى بولىپتى.

دجەكي 7 جاسقا تولعان كەزدە اتا-اناسى اۆسترالياعا جۇمىس ىزدەۋگە كەتىپ، بالاسىن وزدەرىمەن الىپ كەتكىسى كەلمەگەن. دجەكيدى پەكيندەگى وپەرا مەكتەپ-ينتەرناتىنا تاستاپ كەتىپتى.  دجەكيدىڭ مەكتەپ-ينتەرناتىنداعى  كۇندەرى ازاپقا تولى بولاتىن. اتالعان مەكتەپتە ساباق تاڭعى 5-تە باستالىپ، ءتۇننىڭ ورتاسىندا اياقتالاتىن. ەڭ قيىنى بۇل ەمەس ەدى. مەكتەپ وقۋشىلارى ەز-كەلگەن كىشكەنتاي قاتەلىك ءۇشىن اۋىر جازا تارتاتىن.

ءبىر كۇنى دجەكيدى كىشكەنتاي قاتەلىگى ءۇشىن مۇعالىمدەر قامىس تاياقپەن ۇرعان.

«مەن بۇل كۇندى ءومىر بويى ۇمىتپايمىن. ءبىر كۇنى ءمۇعالىم مەنى قامىس تاياقپەن 10 رەت ۇرعان.بۇل كەزدە جىلاۋعا دا، ارتىق قيمىلداۋعا دا، دىبىس شىعارۋعا دا بولمايدى. ارتىق قيمىل جاساساڭ 2 ەسە جازالاناسىڭ. ءيا مەن بۇل ءساتتى ەشقاشان ۇمىتپايمىن»، — دەيدى دجەكي چان.

مەكتەپ-ينتەرناتىنداعى ازاپقا تولى 10 جىلدان كەيىن دجەكي اتا-اناسىنىڭ قاسىنا، اۆسترالياعا كوشەدى. كەيىن ول ءبىراز قيىندىقتان ءوتىپ اتى اڭىزعا اينالعان اكتەرگە اينالادى. الايدا ءتۇسىرىلىم كەزىندە ول كوپتەگەن اۋىر جاراقات الادى. ءبىراق اۋىر جاراقاتتارعا كىشكەنتاي كەزىنەن ەتى ۇيرەنىپ كەتكەنگە ۇقسايدى. ول قازىرگى كەزدە ءتۇرلى قايىرىمدىلىقپەن اينالىسىپ، كوپتەگەن جاندارعا جومارتتىق تانىتىپ ءجۇر.