لاس-ۆەگاستاعى اتىس سالدارىنان كەيبىر قازا تاپقاندار جايىندا جاڭا مالىمەتتەر شىقتى. سوڭعى دەرەكتەرگە سايكەس، اتىستان 59 ادام قازا تاۋىپ، 400 ادام جاراقات العان، دەپ جازادى Qamshy.kz اقپارات اگەنتتىگى.

قازا تاپقاندارپدىڭ قاتارىندا 28 جاستاعى كريس رويبەل بار. ول – اۋعانستانداعى قىزمەتتەن ورالعان وڭتۇستىك كاليفورنيا فلوتىنىڭ ارداگەرى.

فەيسبۋكتەگى سوڭعى جازباسىندا ارداگەر «ساعان وق تيگەندەگى سەزىمدى قالاي ەلەستەتەسىڭ؟» دەگەن سۇراققا جاۋاپ ىزدەپ كوردى.

«ادامدار بۇل سۇراقتى ءجيى قويادى، الايدا امەريكالىقتار مۇنىڭ نە ەكەنىن بىلمەي وتەدى»، - دەپ جازدى كريس.

بولعان جاعدايدى بىلگەن كريستىڭ دوسى پاراقشاسىنا بىلاي دەپ جازدى: «جانىما تيەتىنى – سوعىستان ءبىر جاراقاتسىز، امان-ەسەن ورالعان كريس كونسەرتتە قازا تاپتى».

كريس كونسەرتكە اناسىمەن بىرگە بارعان، الايدا كونسەرتتەگى قالىڭ جۇرتشىلىقتىڭ كەسىرىنەن اناسىنان اجىراپ قالعان. اتىس باستالعان ۋاقىتتا اناسى بالاسىن ىزدەي باستايدى، ءبىراق تىم كەش ەدى.

«ول سوعىسقا بارىپ، ءتۇرلى جاتتىعۋلاردى وتكەرىپ، جاراقاتسىز ورالدى. كونسەرتكە باردى دا، ماڭگىلىك ساپارعا اتتاندى»، - دەدى كريستىڭ اناسى ەن-بي-سي تىلشىسىنە بەرگەن سۇحباتىندا.

چارلستون حارتفيلد – لاس-ۆەگاس پوليسياسىنىڭ 34 جاستاعى شتاتتان تىس قىزمەتەرى. سول كۇنى جۇمىسىنان ارنايى دەمالىس الىپ، كونسەرت تاماشالۋعا بارعان.

ودان بولەك، چارلستون بالالار فۋتبول كومانداسىنىڭ جاتتىقتىرۋشىسى ەدى. بىرنەشە كۇن بۇرىن قارۋلى كۇشتەردىڭ قىزمەتى جايىندا ەستەلىكتەر جازعان. بۇل تۋرالى قازا تاپقان پوليسەيدىڭ دوسى تروي رەتت ايتتى.

«مەنىڭ ويىمشا، ول وزگەلەرگە كومەك كورسەتكىسى كەلگەن. چارلزدى مەنەن ارتىق ەشكىم بىلمەيدى. جاقسى ادامدار ءبىرىنشى كەتەدى دەيدى عوي. بۇل ءسوز چارلزعا ءدال ايتىلعانداي. قايعىلى وقيعا جۇرەگىمىزگە قاتتى باتتى، قاتتى قايعىردىق»، - دەدى تروي تىلشىلەرگە بەرگەن سۇحباتىندا.

سونني مەلتون – 29 جاستاعى مەيىرگەر. ءوز ايەلىن قۇتقارامىن دەپ وق استىندا قالعان.

«ول مەنىڭ ءومىرىمدى قۇتقاردى»، - دەدى قازا تاپقان مەيىرگەردىڭ ايەلى حيزەر مەلتون. – ول مەنى قۇشاقتاپ الىپ، قاشا جونەلدى. سول ساتتە ونىڭ ارقاسىنا وق تيگەنىن سەزدىم».

سەندي كەيسي – مانحەتتەن بيچ قالاسىنىڭ تۇرعىنى، پەداگوگ-دەفەكتولوگ. ارقاسىنا وق ءتيىپ، قازا بولدى.

كونسەرتكە كۇيەۋ جىگىتىمەن بارعان. ارىپتەستەرىنىڭ ايتۋىنشا، سەنديدى وقۋشىلارى دا، ارىپتەستەرى دە ەرەكشە جاقسى كورەتىن.

«ول ستۋدەنتتەر مەن ولاردىڭ اتا-انالىرىنىڭ ومىرلەرىنە ەرەكشە لەپ اكەلگەن جان»، - دەدى مەكتەپ ديرەكتورى مايك مەتيۋس.

توماس دەي – كاليفورنيالىق قۇرىلىسشى. كونسەرتكە 4 بالاسىمەن بارعان، بالالارى امان قالدى.

«ول – قايتالانباس اكە. سول سەبەپتى دە بالالارى ونىڭ جانىندا بولدى»، - دەدى قازا تاپقان ەر ادامنىڭ اكەسى.

اننا الەرس – 35 جاستاعى سپورتشى ايەل، ءۇش بالانىڭ اناسى.  

«اننا – مەن بىلەتىن ايەلدەردىڭ ىشىندەگى ەڭ كوركەمى، عاجابى»، - دەپ ەسىنە الدى كۇيەۋى.

اندجي گومەز – 20 جاستا، ءبيشى.

«اندجي ادال دوس بولا ءبىلدى. ءبىز ءۇشىن، وتباسى ءۇشىن ونىڭ ورنى بولەك ەدى، ەندى ويسىراپ قالدى»، - دەدى ءاندجيدىڭ بيدەن جاتتىقتىرۋشىسى.

دانا گاردنەر – 52 جاستا، سان-بەرناردينو قالاسى اكىمشىلىگىنىڭ قىزمەتكەرى. ايەل كونسەتكەر قىزىمەن باردى، قىزى زارداپ شەكپەگەن.

دجون فيپپەن – سان-كلاريتا قالاسىنىڭ تۇرعىنى. ارقاسىنا وق ءتيىپ قازا تاپتى. دجوننىڭ ۇلى تيەۆيس تە جاراقاتتاندى، الايدا امان قالدى.