ءانشى قاراقات ءابىلدينا "الاش ايناسى" گازەتىنە سۇحبات بەرىپ، ءوزىن سىرتىنان تاكاپپار دەپ ايتاتىندارعا قارسى شىقتى.

"كوپ ادامنىڭ اۋزىنا قاقپاق بولا المايتىنىمىز راس. پىكىرىن وزگەرتە المايمىز. كەلىسەتىن تۇسىم، سىرت كوزگە كوكىرەكتەۋ، تاكاپپار كورىنەدى دەپ ساحناعا شىققالى بەرى مەن تۋرالى وسىنداي پىكىر قالىپتاسقان. ءوزىمدى ولاي دەپ ەسەپتەمەيمىن. مەن تۋرالى پىكىردى مەنىمەن بىرگە بىتە قايناسىپ جۇرگەن جانداردان سۇراعان ابزال بولار"، - دەدى قاراقات.

ول وسى جەتىستىككە جەتىپ، حالىقتىڭ سۇيىكتى ءانشىسى اتانۋىنا بىردەن-بىر سەبەپكەر بولعان ءوزىنىڭ جارى ءقىدىرالى بولمانوۆ ەكەنىن اتاپ وتكەن.

"مەن ونداي ەدىم، مەن مۇنداي ەدىم" دەپ ايتۋ ابەستىك بولار. مەنى ساحناعا الىپ شىققان دا، ەلگە تانىستىرعان دا، ومىردە دە، ونەردە دە، قاس قاباعىما قاراپ، جان دۇنيەمە بۇكىل جىلۋلىقتى اياماي توگىپ جۇرگەن مەنىڭ جان جارىم قىدىر. ونى مەن ايتۋدان جالىقپايمىن. "كۇيەۋىنىڭ الدىنا شىعىپ كەتتى، داۋىسى كۇيەۋىنىكىن باسىپ كەتتى" دەگەن پىكىرلەردى دە ەستيمىن. ولاي ەمەس بۇلاي دەپ ايتۋدان اۋلاقپىن. ونى كورۋ كەرەك، ونى سەزىنۋ كەرەك"، - دەدى ءانشى.

قاراقات ءابىلدينا ەشكىمنىڭ اۋزىنا قاقپاق بولمايتىنىن، ءبىراق قانداي جاعداي بولسا دا، جاقسىلىقتى ايتۋعا اۋەستەنۋ كەرەكتىگىن جەتكىزگەن.

"ءار كورەرمەننىڭ ءوز پىكىرى بار. قايسىسىن بولماسىن جاماندىققا ەمەس، جاقسى جاعىنا قاراي بۇرسا ەكەن. ءبىز دە ءبىر قازاقتىڭ كىشكەنتاي وتباسىمىز. وزىمىزشە باقىتتى بولساق، كەيىنگىلەرگە ۇلگى بولسا دەپ جۇرگەن جاندارمىز. وسىنداي شاڭىراقتىڭ ءارى قاراي گۇلدەنىپ كەتۋىنە حالىق بولىپ دەمەگەننىڭ ورنىنا وكىنىشكە قاراي، تىرناقتىڭ استىنان كىر ىزدەپ، ارتقا قاراي تارتقىلارى كەلەدى. ءوزىمىز ساناۋلى عانا قازاقپىز. سوندىقتان ءبىر بىرىمىزگە جاقسىلىق تىلەپ، دەمەۋ بولساق جاراسپاي ما؟"، - دەپ تۇيىندەدى ءانشى ءوز ويىن. "Nur.kz"