«الەم ارۋى-2015» بايقاۋىندا ايداي يسايەۆا كورەرمەندەردىڭ الدىنا بەلگىلى وتاندىق ديزاينەر ايدا كاۋمەنوۆانىڭ بايقاۋعا ارنايى تىگىلگەن ۇلتتىق كيىم ۇلگىسىمەن شىعادى دەپ حابارلايدى nur.kz

ەستەرىڭىزگە سالا كەتەيىك، ايداي يسايەۆا 25 قاڭتاردا ماياميدە (اقش) وتەتىن ەڭ بەدەلدى سۇلۋلىق بايقاۋلارىنىڭ ءبىرى "الەم ارۋى-2015" دوداسىنا قازاقستاننىڭ اتىنان قاتىسادى. ءبىز بىلەتىن 25 جاستاعى ايداي يسايەۆا - اسفەندياروۆ اتىنداعى قازاق ۇلتتىق مەديسينالىق ۋنيۆەرسيتەتىنىڭ تۇلەگى، سونداي-اق قازىرگى تاڭدا الماتى قالالىق №1 ەمحانادا وتباسىلىق دارىگەر بولىپ قىزمەت اتقارىپ ءجۇر. بايقاۋعا دايىندىقتى بۇدان بىرنەشە اي بۇرىن باستاپ كەتكەن ايداي شەتەل ءتىلىن مەڭگەرىپ، جاتتىعۋ زالىنا بارىپ بوي تۇزەگەن بولاتىن. ەندى مىنە، ب ا ق سىنايتىن مەزگىل دە جاقىنداپ كەلەدى..

بايقاۋ 25 قاڭتاردا ماياميدە وتەتىن بولادى. جانە ءدال سول كۇنى تىكەلەي ەفيردە الەم ارۋى انىقتالماق. جەڭىمپازعا ءتاجدى  ۆەنەسۋەلالىق  ارۋ  گابريەلا يسلەر تابىستايدى.

ەندەشە، ءبىزدىڭ ايداي سۇلۋ ايدايعا ساتتىلىك تىلەۋ عانا قالدى!