جولدا ءجۇرۋ ەرەجەسىن ساقتاماي، جول اپاتىنا ۇشىرايتىندار قاتارىندا وتاندىق ەسترادا جۇلدىزدارى دا بار. ءيا، ادام بولعان سوڭ، مۇنداي وقيعا كەز كەلگەننىڭ باسىندا كەزدەسەدى. سوندىقتان، ولاردى بولە-جارىپ قاراۋ دا دۇرىس ەمەس شىعار. الايدا، جۇلدىزداردىڭ تەز كوزگە تۇسۋىنە ولاردىڭ تانىمالدىعى اسەر ەتەتىنى ءسوزسىز. Automag.kz سايتى جولدا ءجۇرۋ ەرەجەسىن ساقتاماعان جۇلدىزداردىڭ ءتىزىمىن جاسادى.
قايرات تۇنتەكوۆ جانە تولەنبەگەن ايىپپۇل
"SuperStar.KZ" جوباسى ارقىلى حالىققا تانىلعان تۇنتەكوۆ ناعىز قازاقتار سەكىلدى Toyota Camry 40 كولىگىمەن جۇرگەندى جاقسى كورەدى. بىلتىر ءانشى Toyota Land Cruiser 100 كولىگىمەن سوقتىعىسىپ قالدى.
قۋانىشقا قاراي، جول اپاتىنان زارداپ شەككەندەر جوق. الايدا، قايرات سول كۇيى ايىپپۇلىن تولەمەي، لەندكرۋزەردى جوندەۋگە كەتەتىن قارجىنى بەرمەگەن.
سول ارالىقتا ول 40 كۇن تۇرمەگە دە وتىرىپ شىقتى. ونەردەگى دوستارىنىڭ جيناپ بەرگەن اقشاسىن بالالار ۇيىنە قايىرىمدىلىق ەسەبىندە اۋدارعان ول قارىزىنان قۇتىلعانىن ايتادى. ايتسە دە، قايراتتىڭ باسىنداعى بۇل وقيعا ونىڭ حالىق اراسىنداعى باعاسىنىڭ تومەندەۋىنە اسەر ەتكەندەي. بۇگىندە ءانشى ۇلكەن ساحنالاردان كورىنبەيدى.
ەربولات قۇدايبەرگەنوۆ 4 جىل بويى كولىك جۇرگىزبەيدى
"مەن قازاقپىن"، "ءبىزدىڭ جىگىتتەر" دەپ اندەتكەن ەربولات قۇدايبەرگەنوۆ ماس كۇيىندە كولىك جۇرگىزگەنى ءۇشىن 4 جىل بويى كولىك جۇرگىزۋ قۇقىعىنان ايىرىلعان بولاتىن.
ەربولاتقا قاتىستى بۇل وقيعاعا وراي كوپ مالىمەت جوق. ايتسە دە، ول الەۋمەتتىك جەلىدەگى پاراقشاسىنا جۋرناليستەردى كىنالاعان جازبا قالدىردى.
"مەنىڭ كولىك جۇرگىزۋ كۋالىگىنەن ايىرىلعانىما نازار اۋدارماساڭىزدار دا بولادى. مۇنداي جاعداي ءار ەلدە، اركىمنىڭ باسىندا بولادى. تەك ءبىزدى جۋرناليستەر ونى قالاي جەتكىزۋ كەرەكتىگىن بىلمەيدى"، - دەپ جازعان ءانشى Facebook-تەگى پاراقشاسىنا.
سكريپكاشى جاياۋ جۇرگىنشىلەردى سوقتى
تانىمال سكريپكاشى ءجاميلا سەركەبايەۆا دا جول-كولىك وقيعاسىنىڭ "قاھارمانى" بولىپ شىعا كەلدى. Lexus RX 300 كولىگىن تىزگىندەگەن سەركەبايەۆا رۋلگە يە بولا الماي، جاياۋ جۇرگىنشىلەر جولىندا كەلە جاتقان 3 قىز بالانى قاعىپ كەتكەن ەدى.
ودان بولەك، Toyota Camry مەن Volkswagen Passat كولىكتەرىنە سوقتىعىستى. سكريپكاشىنىڭ شىرق اينالعان كولىك رۋلىنە يە بولماعانىن جاسىرعىسى كەلگەن پروديۋسەر "كولىكتى مەن جۇرگىزدىم" دەپ ارا تۇسكەن. الايدا، ءجاميلا كەيىن ءوز كىناسىن مويىندادى.
جاراقات العان 3 قىزدىڭ ەكەۋى اۋرۋحاناعا ءتۇسىپ بىرەۋى مەديسينالىق كومەكتەن باس تارتقان بولاتىن.
قۇتپانوۆا "كونسەرت" قويىپ بەردى
ال "داۋىس International" توبىنىڭ بۇرىنعى مۇشەسى، ءانشى جادىرا قۇتپانوۆا كولىكتى ماس كۇيىندە جۇرگىزىپ، پوليسەيلەرگە عانا ەمەس، بارلىق تىڭدارمانعا كەرەمەت "كونسەرت" قويىپ بەرگەنىن كوپشىلىك ۇمىتا قويعان جوق.
ماس كۇيىندە كولىك جۇرگىزگەن ول جىلاپ-سىقتاپ، جول پوليسەيلەرىنە پارا ۇسىنىپ، كەيىن ءتىپتى بالاعاتتاعان دا بولاتىن.
تانىمال اكتريسا، قازاقستاننىڭ ەڭبەك سىڭىرگەن ءارتىسى ليديا كادەنوۆانىڭ ۇلى، جاس ءانشى ديدار كادەن دە جول-كولىك وقيعاسىنا ءجيى سەبەپكەر بولادى.ديدار №128 باعىتتاعى جولاۋشىلار اۆتوبۋسىمەن سوقتىعىسىپ، ەكى تاراپ تا جەڭىل جاراقات الىپ، ءىس جابىلعان.
جولدا اباي بولىڭىزدار، جۇلدىزدار!
پىكىر قالدىرۋ