ءانشى قايرات نۇرتاس جاس وتباسى ءابدىرايىموۆتارعا سىيلىق تارتۋ ەتتى. ونەر جۇلدىزى وتباسىنىڭ بارلىق مۇشەلەرىنە گادجەت پەن تەلەديدار سىيلاپ، ال كىشكەنتايلاردى ويىنشىقتارمەن قۋانتتى.

20 جاستاعى ەربول ءابدىرايىموۆ بىلدەي ءبىر وتباسىنى جالعىز ءوزى اسىراپ وتىر. ول كۇنكورىس قامى ءۇشىن كۇزەتشى جانە تاكسيست قىزمەتتەرىن قاتار اتقارىپ ءناپاقا تابادى جانە بيزنەس كوللەدجىندە ءبىلىم الادى.

ونىڭ 4 قارىنداسى بار. ەڭ كىشكەنتايىنىڭ جاسى ۇشتە. اتا-انالارى قايتىس بولعاننان كەيىن، قارىنداستارىنا قامقورلىقتى ءوز موينىنا العان.

ەربول باسىنا تۇسكەن ماتەريالدىق قيىندىقتارعا قاراماستان قارىنداستارىن بالالار ۇيىنە بەرۋدەن باس تارتقان.

"بىر-بىرلەرىمىزگە كومەكتەسەيىك، جاقسىلىق جاسايىق. ەربول، باۋىرىم ەشقانداي قيىندىقتارعا قاراماستان، ءوز قارىنداستارىن قاناتىنىن استىنا الدى. وعان اللا جار بولسىن!"، - دەپ جازدى قايرات نۇرتاس ءوزىنىڭ ينستاگرام پاراقشاسىندا.

ەسكە سالا كەتسەك، قايرات نۇرتاس ەلىمىزگە  ەڭ تانىمال انشىلەردىڭ ءبىرى. ونىڭ ورىنداۋىنداعى اندەر ۇنەمى حيتكە اينالىپ جاتادى. ال ءوزىنىڭ جەكە شىعارماشىلىق كەشتەرىندە كونسەرتتىڭ بيلەتتەرى الدىن-الا ساتىلىپ كەتەدى. ءانشى قايىرىمدىلىق شارالارىمەن اينالىسىپ، كوبىندە كىشكەنتاي اۋرۋ بالالارعا كومەك كورسەتەدى. ztb.kz