قازاق تويىن كونسەرتكە اينالدىرىپ، اننەن شاشۋ ەتكەن قازاق ەسترادا انشىلەرى ءبىر تويدا قانشا تابىس تابادى؟ شوۋ بيزنەس جۇلدىزدارىنىڭ توي بيزنەستەگى دارەجەسى قانداي؟ بۇگىندە ەڭ كوپ شاقىرتۋلارعا يە بولىپ جۇرگەن قانداي انشىلەر؟ توي دومالاقتاردان ءناپاقاسىن تاۋىپ جۇرگەن ونەر يەلەرىنىڭ ءتىزىمىن comode.kz سايتى جاريالاعان ەكەن، سىزدەرمەن ءبولىسۋدى ءجون سانادىق.

1. قايرات نۇرتاس. ەڭبەكتەگەن بالادان، ەڭكەيگەن قارياعا دەيىن تىڭدايتىن بۇل ءانشىنىڭ تابىس كوزى وتە جوعارى. قازاق تويىنىڭ سۇرانىسىنا يە بولىپ جۇرگەن قايراتتىڭ اندەرى ماعىنالى، ءارى كۇلاققا تەز سىڭەدى. حيت اندەردى ومىرگە اكەلىپ، جاستاردىڭ تالعامىنا ساي تۋىندىلاردى شىرقاپ جۇرگەن جۇلدىزدىڭ ءبىر توي ءۇشىن الاتىن اقىسى ءار ءتۇرلى. دەسەك تە، شامامەن 5-7 مىڭ دوللار بولادى.

2. «مۋزارت» توبى. كوپشىلىكتىڭ كوزايىمىنا اينالعان توپتاردىڭ ءبىرى. تەك قانا ساپالى دۇنيەلەردى تۋدىرىپ، ۇلتتىق قۇندىلىقتاردى ۇلىقتاپ جۇرگەن ونەر يەلەرىنىڭ ءاربىر ءانى ىجداعاتتىلىقپەن تاڭدالىپ، ەرەكشە ءمان بەرەتىنى كورىنىپ تۇرادى. مۇنداي قوڭىر ءۇندى،  اسپاپتاردىڭ سۇيەمەلدەۋىمەن ءتىرى داۋىستا ءان سالاتىن «مۋزارت» توبىنىڭ قۇنى 5 مىڭ دوللار.

3. زاتتىبەك كوپبوسىن ۇلىنىڭ اق مارجانىسىز توي وتپەيتىنى بەلگىلى. تويدىڭ ءانۇرانىنا اينالعان بۇل ءاننىڭ ءومىر سۇرگەنىنە دە قانشا ما ۋاقىت بولدى. جان جاقتان شاقىرتۋلار الاتىن زاتتىبەكتىڭ تۋىندىلارى وتە جوعارى باعالانادى. ادەمى، نەمەرەم اتتى اندەرى دە ەلدىڭ قۇلاعىنان كەتە قويعان جوق. ءانشىنىڭ ءبىر تويداعى تابىسى 3-5 مىڭ دوللار.

4. اسحات تارعىنوۆ. سوڭعى ۋاقىتتا قازاقتىڭ تويىنا ارنالىپ جازىلعان «ماريا» ءانىمەن تانىلىپ ۇلگەرگەن اسحاتتى اتىراۋ، اقتاۋ قالالارىنىڭ تۇرعىندارى كوپ شاقىرتىپ ءجۇر. وسى انىمەن تويدىڭ ءسانىن كەلتىرىپ جۇرگەن ونەر يەسىنىڭ داۋىسى دا ەرەكشە. توي بيزنەسىنە ەندى عانا قوسىلىپ جاتقان ءانشىنىڭ قالاماقىسى 2 مىڭ دوللاردان باستالادى.

5. اقىلبەك جەمەنەيدىڭ قىزىل ورىگى دە قازاق جەرىنىڭ شەت شەتىن ارالاپ جۇرگەن ءاننىڭ ءبىرى. تويدا ءبيدىڭ شاڭىن شىعاراتىن تويشىل قازاقتار ءۇشىن مۇنداي تۋىندىلار ۇلكەن سۇرانىسقا يە. «ميلليون قىزدار» دەگەن كوڭىلدى كوتەرە بىلەتىن ءانى دە شيراق قيمىلداپ بي بيلەگەنگە ىڭعايلى. اقىلبەكتىڭ ەڭبەكاقىسى 2-3 مىڭ دوللار.

Neke.kz