بۇگىن الماتىدا ورتالىق ازياداعى ميكرو، شاعىن جانە ورتا كاسىپورىنداردى (مشوك) قولداۋعا باعىتتالعان شاعىن بيزنەستى دامىتۋ بويىنشا  ايماقتىق باعدارلامانىڭ (شبداب) تۇساۋى كەسىلدى، دەپ جازادى Qamshy.kz اقپارات اگەنتتىگى.

باعدارلامانى ەۋروپالىق وداق قارجىلاندىرادى جانە ورتالىق ازياداعى قارجى ينستيتۋتتارىنىڭ قىزمەتكەرلەرىن ونلاين وقىتۋعا مۇمكىندىك بەرەدى. ىڭعايلى بولۋ ءۇشىن دەربەس قۇرىلعىلار ارقىلى وقىتۋ دا قاراستىرىلعان

شبداب شاعىن بيزنەستى قارجىلاندىرۋ سالاسىندا نوۋ-حاۋ ەنگىزۋدى قاراستىرادى. باعدارلامانىڭ تۇساۋكەسەرىنە ەو، ەقدب، ق ر ۇكىمەتى، ق ر ۇلتتىق بانكى، حالىقارالىق ۇيىمدار جانە قارجى ينستيتۋتتارى وكىلدەرى قاتىسىپ، «بانك سالاسىنىڭ بولاشاعى جانە قارجى قىزمەتتەرىن ۇسىنۋ» تاقىرىبىنا پىكىر الماستى.

شبداب شەڭبەرىندە ورتالىق ازيادا مشوك قارجىلاندىراتىن قارجى ينستيتۋتتارىنا ارنالعان ءبىلىم الماسۋ پلاتفورماسى ىسكە قوسىلادى. جەرگىلىكتى قارجى ينستيتۋتتارى وسى سالاداعى ەقدب تاجىريبەسىمەن تانىسىپ، ءتۇرلى تاقىرىپتاعى ترەنينگتەر وتە الادى.

ءدال ءقازىر پلاتفورما مشوك كرەديت قابىلەتتىگىن ساراپتاما داسايتىن ارنايى ترەنينگتەر ۇسىنادى. ءبىلىم الماسۋ بويىنشا باعدارلاما ءىشىنارا قولجەتىمدى، ءبىراق بولاشاقتا ونلاين وقىتۋدىڭ جۇيەسى تولىققاندى جۇمىس ىستەيتىن بولادى. 2018 جىلدىڭ ەكىنشى توقسانىندا قىزمەتكەرلەردىڭ سەرتيفيكاتتاۋدىڭ ونلاين باعدارلاماسى ىسكە قوسىلادى.

 باعدارلامانىڭ كەڭەسشىسى IPC (Internationale Projekt Consult GmbH) كومپانياسى. كومپانيا مشوك قارجىلاندىرۋمەن بايلانىستى جوبالار جانە وقىتۋ باعدارلامالارىن جاساۋ جانە جۇزەگە اسىرۋ بويىنشا مول تاجىريبەگە يە.

«دامۋ» كاسىپكەرلىكتى دامىتۋ قورى» باعدارلامانىڭ ارىپتەسى بولدى. قوردىڭ ەلىمىزدىڭ بۇكىل تەرريتورياسىن قامتيتىن فيليالدارى بار جانە بيزنەسپەن، قوعامدىق ۇيىمدارمەن جانە جەرگىلىكتى اتقارۋشى بيلىكپەن ىنتىماقتاستىق بويىنشا مول تاجىريبەسى بار.

زولتان سالاي، ەۋروپالىق وداقتىڭ قازاقستانداعى وكىلدىگىنىڭ سەنىمدى وكىلى: «قازاقستانداعى مشوك ەڭ باستى قيىندىقتارىنىڭ ءبىرى قارجىعا قول جەتكىزۋ بولىپ وتىر. مشوك قولداۋ ەكونوميكانى ءارتاراپتاندىرۋعا جانە يننوۆاسيانى دامىتۋعا وتە ماڭىزدى. ەو جانە ەقدب كومەگىمەن باسقا ايماقتاردا جۇزەگە اسقان بۇل باستاما جاقسى ناتيجەلەرگە قول جەتكىزدى. ءبىز قازاقستاندا تۋرا سونداي جەمىستى بولاتىنىنا سەنىمدىمىن»، - دەدى.

اگريس پرەيمانيس، ديرەكتور، ەقدب قازاقستانداعى باسشىسى: «مشوك قارجىلاندىرۋ بويىنشا وقىتۋ باعدارلامالارى ورتالىق ازياداعى قارجىلىق ينستيتۋتتار اراسىندا وتە تانىمال بولدى. اتالمىش باعدارلاما زاماناۋي تەحنولوگيالاردى پايدالانىپ قانا قويماي، ورتالىق ازياداعى كەڭ اۋديتوريانى قامتيدى. ناتيجەسىندە مشوك قارجىلاندىرۋ بويىنشا باعدارلامانى ءتيىمدى ەتەتىنى ءسوزسىز»، - دەپ اتاپ ءوتتى.

 «دامۋ» قورىنىڭ باسقارما ءتوراعاسى اباي سارقۇلوۆ: «ميكرو، شاعىن جانە ورتا بيزنەستى قارجىلاندىرۋ جانە ولارعا قىزمەت كورسەتۋ سالاسىندا ءبىلىم الماسۋ، وقىتۋ جانە تەستىلەۋ ءۇشىن ساندىق پلاتفورما قۇرۋ، قارجى سەكتورىنىڭ ماماندارىنا بيزنەستى دامىتۋ ماقساتىندا قارجىلاندىرۋ ءۇشىن جوبالاردى دايىنداۋ، ىرىكتەۋ نەگىزدەرىن دۇرىس تۇسىنۋگە مۇمكىندىك بەرەدى»، - دەپ اتاپ ءوتتى.